[Only admins are allowed to see this image]Veprimet e adhurimit të cilat muslimanët i praktikojnë bëhen që të arrijnë qëllime dhe dobi të caktuara, dhe Allahu do për robërit e Tij që të fitojnë dituri për to dhe t’i kuptojnë ato dhe që t’i realizojnë ato. Në mesin e këtyre veprimeve të adhurimit është edhe agjërimi që bëhet në muajit hënor të Ramazanit, i cili ka qëllime të caktuara të cilat muslimani duhet që të përpiqet që t’i kryej me zemrën dhe veprimet e tij. Në këto qëllime bëjnë pjesë:
1. Realizimi i devotshmërisë, e ajo është: frikë-respekti ndaj Allahut. Allahu ka thënë në Kur’an, dhe kuptimi i përkthyer është, "O ju që besuat, agjërimi u është bërë obligim sikurse që ishte obligim edhe i atyre që ishin para jush, kështu që të bëheni të devotshëm. [2:183]. Prandaj, agjërimi është një mënyrë për të arritur devotshmërinë[Et-Takua]. Në fakt, të gjitha veprimet e adhurimit dhe Teuhidi janë mënyra dhe mjete për të realizuar devotshmërinë. Sikurse thotë Allahu në Kuran, "O njerëz, adhurojeni Zotin tuaj, i cili ju krijoi juve edhe ata që ishin para jush ashtu që të jeni të devotshëm (të shpëtuar).” [2:21]
2. Fitimi i shpërblimit të Allahut. Imamët Buhariu dhe Muslimi, që të dy rrëfejnë nga Ebu Hurejreh e ky nga Profeti – sal-lAllahu alejhi ue sel-lem! - , i cili ka thënë, "Allahu i Lartësuar ka thënë, 'Të gjitha veprat e të birit të Ademit[d.m.th. njeriut] janë për të, përveç agjërimit[Es-Sijam], i cili është për mua dhe Unë do të shpërblej për të.'"
3. Profeti – alejhis-selam! – po ashtu, ka thënë, "Agjëruesi [Sa-im] ka dy momente gëzimi: kur të prish agjërimin ai gëzohet, dhe kur ta takoj Zotin e tij ai gëzohet për shkak të agjërimit të tij." [Buhariu dhe Muslimi]. Sa i përket thënies së tij, "Kur të prish agjërimin gëzohet," dhe me shtesën e Imam Muslimit,"Për shkak të prishjes së agjërimit të tij,"
Imam Kurtubiu ka komentuar, "Nënkupton ai gëzohet sepse uria dhe etja e tij kanë përfunduar, për shkak të lejesës së prishjes së agjërimit. Ky gëzim është i natyrshëm dhe ky është kuptimi i tij i dukshëm. Është thënë, gjithashtu, se gëzimi i tij është për vet prishjen e agjërimit, nënkupton se, ai ka kryer agjërimin e tij, dhe si kulminacion për praktikimin e këtij veprimi të adhurimit. Thënia e tij, 'Dhe, kur ta takoj Zotin e tij ai gëzohet për shkak të agjërimit të tij,' ka kuptim se ai është i lumtur për shkak të arritjes së shpërblimeve të agjërimit dhe shpërblimeve të plota.'"
4. Agjërimi[es-Saum] dëlir shpirtin dhe e ndihmon që të fitoj shprehinë e bindjes ndaj Allahut dhe të Dërguarit të Allahut duke mundur epshet e zemrës. Agjërimi të mëson përmbajtjen nga ndjekja e epsheve të caktuara dhe për këtë shkak shpirti i agjëruesit bëhet i nënshtruar ndaj urdhrave të Allahut. Po ashtu, shejtani i ngacmon dhe i posedon më shumë shpirtrat të cilët ndjekin epshet e tyre. Kur shpirti braktis epshet e tij, do të jetë më e vështirë për shejtanin që ta posedojë zemrën.
5. Të qenit i ruajtur nga Zjarri, ku Profeti – alejhis-selam! – ka thënë, "Allahu ka ata të cilët i liron nga Zjarri, dhe kjo ndodh çdo natë (d.m.th. në Ramazan)." [Et-Tirmithi & Ibën Maxheh]
6. Shefati (ndërmjetësimi i drejtë). Profeti – alejhis-selam! – ka thënë, "Agjërimi dhe Kurani do të ndërmjetësojnë në emër të robit. Agjërimi thotë, 'O Zot! Unë e kam penguar nga ushqimi dhe bindja ndaj epsheve në mëngjes. Prandaj, pranoje ndërmjetësimin tim në emër të tij.' Dhe Kur’ani thotë, 'Unë e kam penguar nga gjumi gjatë natës. Prandaj, pranoje ndërmjetësimin tim në emër të tij,' dhe do të pranohen si ndërmjetësues.'" [Ahmedi, el-Hakimi & El-Bejhaki].
7. Pasja e gjynaheve të falura. Nuk ka dyshim që agjërimi drejton tek falja dhe fshirja e gjynaheve. Profeti ka thënë, "Të pesë namazet, dhe nga Xhumaja e deri në Xhumanë tjetër, dhe Ramazani deri në Ramazanin tjetër, janë fshirëse për ato që ndodhin ndërmjet tyre, përderisa shmangen mëkatet e mëdha." [Muslimi].
Po ashtu, Profeti – sal-lAllahu alejhi ue sel-lem! – ka thënë, "Kushdo që agjëron Ramazanin me Iman dhe Ihtisab, do t’i falen mëkatet e kaluara." [Buhariu dhe Muslimi]. Imam Ahmedi dhe Nesaiu ia kanë shtuar këtë rrëfimit të mësipërm, "Dhe, ajo e cila ndodh më tutje (d.m.th. mëkatet e ardhshme, gjithashtu)." ‘Me Iman’ përfshin agjërimin duke besuar me zemër në obligueshmërinë e agjërimit gjatë Ramazanit. Sa i përket ‘Ihtisab’-it, nënkupton se ai pret shpërblimin, dhe agjërimi i tij është si pasojë vetëm për hir të Allahut dhe jo për të imituar njerëzit dhe komunitetin për rreth tij ose për ndonjë përfitim të kësaj bote.
Thu 23 Mar 2023 - 2:31 nga 
