Dëgjoje të përmalluarin, Ibnul Kajimin që thotë për portat e Xhennetit:
Portat e tij me të vërtetë janë tetë siç janë transmetuar në hadith e ato janë për atë që ka arritur gradën e ihsanit.Me e larta është porta e luftës ndërsa porta e agjërimit quhet Rrajjan.
Do thirren disa nga të gjitha portat nëse i kanë plotësuar degët e besimit.
Prej tyre është Ebu Bekri i cili është Sidik dhe është zëvendësi i atij që i zbriti Kur'ani.Por hapja e portës nuk është e mundur pa çelës me dhëmbëza.
Çelësi është dëshmia e njësimit dhe sinqeritetit. Kjo është dëshmia e besimit.
Ndërsa dhëmbëzat janë punët e mira për të cilat urdhëron Islami dhe çelësi duhet të jetë me dhëmbëza.
Ibnul Kajimi thotë në përshkrimin e grupit të parë që hyn në Xhennet :
Grupi i parë që hyn në Xhennet fytyrat e tyre jani si hëna e katërmbëdhjetë.
Këta janë të parët sepse edhe në dunja ishin të parët në punët e mira.
Ndërsa grupi tjetër si ylli më i ndritshëm që shikon syri yt në horizont.
Krehërat e tyre janë prej ari dhe djersa e tyre është misk I pastër, o i mjeri ai që e humbi këtë mirësi.
Ky është malli o vëllezër për Xhennetin. O vëllezër të dashur! Banorët e Xhennetit kur të hyjnë nga ato porta do t`u ndryshojë ngjyra dhe pamja. Nuk do jenë siç kanë qenënë këtë dunja të ulët, tek e cila ka vetëm mangësi. Ndërsa banorët e Xhennetit kur hyjnë në Xhennet hyjnë në më të plotën dhe më të bukurën pamje. Ata do jenë në pamjen e babait të tyre, Ademit (aleji selam) dhe në gjatësinë e tij 60 parakrahë. Profeti (sal-lAllahu alejhi ue sel-lem): ka thënë "Çdokush që hyn në Xhennet do jetë në pamjen e Ademit (aleji selam) me gjatësinë e tij 60 parakrahë".
Gjithashtu edhe shpirtrat e tyre do jenë të pastra nuk do kenë urrejte për njëri-tjetrin dhe as hased, siç ka thënë Profeti (sal-lAllahu alejhi ue sel-lem). Ajo që ua shton më shumë bukurinë është se ata nuk do kenë qime në trup dhe as mjekra dhe do jenë në të njëjtën moshë, 33 vjeç . Mosha e rinisë dhe forcës.
Profeti (sal-lAllahu aleji ue sel-lem) thotë:"Banorët e Xhen-netit hyjnë në Xhennet pa qime, pa mjekra, sytë i kanë të lyera me kohl në një moshë të gjithë 33 vjeç".
Kjo është për sa i përket burrave. Ndërsa gruaja besimtare e devotshme e ruajtur dhe e kujdesshme është hurije nga hurijet më të bukura në Xhennet. Vëlla i dashur, motër e nderuar! A nuk ju tronditi malli që të jeni prej tyre? Dëgjoje Ibnul Kajimin kur e përshkruan këtë gjë duke thënë :
Mosha e tyre është 33 vjeç në të cilën është fuqia e rinisë.
Gjatësia e tyre është sa gjatësia e babait të tyre 60 parakrahë ndërsa gjerësia 7 parakrahë. Ngjyra e tyre është e bardhë, nuk kanë mjekra, flokët do ti kenë me onde dhe sytë të lyera me kohl.
Kjo është bukuria më e plotë e lëkurës, flokëve dhe syve të tyre.
Ky është malli për Xhennetin. O ti që je I përmalluar për Xhennetin, eja me mua që të njohësh si është ndërtuar Xhenneti, si janë guralecët e tij, toka e tij, uji I tij, dhomat e tij, çadrat e tij dhe mirësitë e përhershme që
ndodhen në ato çadra.Është transmetuar në librin e saktë të Buhariut dhe Muslimit se Profeti (sal-lAllahu alejhi ue sel-lem) ka thënë: "U futa në Xhennet, kur ç`të shoh, gurët ishin perla dhe dheu ishte misk". Në një transmetim thuhet, "dheu ishte I bardhë si misk I pastër".
Kur të vendosin banorët e Xhennetit këmbët mbi të, të gëzuar, të sigurt, ecin, kur shohin kështjellat dhe çadrat e tyre u shtohet më shumë malli për to. Profeti (sal-lAllahu alejhi ue sel-lem) ka thënë: "Besimtari do ketë në Xhennet një çadër prej margaritari 60 milje e lartë. Në të do ketë gratë e tij. Shkon tek to besimtari një nga një, nuk e shohin njëra-tjetrën nga gjerësia e vendit". Allahu i ka përgatitur këto çadra për robërit e Tij të devotshëm. "Ata do kenë gradat më të larta të Xhennetit për durimin që kishin dhe do gjejnë në të përshëndetje dhe paqe".(kuptimi i ajetit) (El-Furkan: 75)
Allahu i Madhëruar thotë (kuptimi i ajetit): "…ndërsa ata që kanë qenë të devotshëm do të kenë dhoma njëra mbi tjetrën të ndërtuara, poshtë tyre rrjedhin lumenjtë. Ky është premtimi i Allahut. Allahu
nuk e thyen premtimin". (Ez-Zumer: 20)’
O vëllezër! Profeti (sal-lAllahu alejhi ue sel-lem) thotë: "Në Xhennet ka dhoma të tejdukshme që shikohet jashtë ç`ka brenda dhe brenda ç`ka jashtë. Allahu i ka përgatitur për ata që ushqejnë të varfrit, që flasin butë, që agjërojnë vazhdimisht dhe ata që falen natën kur njerëzit flenë".
Prandaj, ejani o vëllezër dhe ju o motra të ushqejmë të varfrit, ejani të agjërojmë dhe të falemi natën që të jemi prej banorëve të këtyre dhomave. Ky është malli për tek ato dhoma. E nëse je prej atyre që agjërojnë dhe falen (natën) dëgjoje çfarë thotë Ibnul Kajimi:
Ndërtesat e Xhennetit janë prej tullave prej ari dhe argjendi, janë dy lloje të ndryshme.
Ndërsa kështjellat janë prej perlave dhe zeberxhedi (gur i çmuar ngjyrë jeshile), prej argjendi ose prej ari të kulluar.
Gjithashtu janë prej perlash (të mëdha) dhe rubini, kështu është përsosur ndërtimi (i tyre) në formën më të mirë.
Ndërsa balta është prej misku të kulluar ose za'ferani. Janë transmetuar dy hadithe të sakta për këtë.
Ndërsa guralecët e Xhennetit janë perla të përmasave të ndryshme dhe rubin të shpërndara siç mund të shpërndahen gurët e çmuar.
Dheu i Xhennetit është prej za'ferani ose prej miskut që është marrë prej drerëve.
Dhomat e Xhennetit janë në hapësirë, shikon nga brenda ç'ka përjashta dhe nga jashtë ç'ka brenda.
Banorët e tyre janë ata që falen natën, agjërojnë, flasin fjalë të mira dhe janë bamirës.
Robi do ketë në Xhennet një çadër prej perle e hapur nga brenda. Ky është krijimi i Mëshiruesit.
Ajo është 60 milje e lartë. Në çdo anë të saj gjenden grate më të bukura.
Besimtari shkon tek të gjitha e ato nuk e shohin njëratjetrën ngaqë është vend shumë i madh.
Në të ka dhoma të veçanta dyert e tyre janë prej ari dhe margaritari të zbukurara me korale.
Këto çadra janë në koshpte buzë lumenjve që rrjedhin.
Në çadra ndodhen ato (huri) që po të dalin para diellit dhe hënës ke për të thënë që është bërë eklipsi I tyre.
Sa e sa plagë dhe mall ka në zemër për këto çadra.
Në to ka hurij që ulin shikimin, të mira në sjellje, të bukura, nuk ka si ato në bukuri.
Të mira në sjelljet e tyre, të bukura në fytyrat e tyre e kështu e mira dhe bukuria është përputhur (tek to).
Ky është malli o vëllezër. Kur të vendosen banorët e Xhennetit në kështjellat dhe çadrat e tyre u jep Allahu rrizkun tyre i cili u sjell atyre kënaqësi, fruta të shumëllojshme që të hanë prej tyre dhe u sjell lumenjtë që të pijnë prej tyre.
SHKEPUTUR NGA LIBRI: “FRIKA PREJ XHEHENEMIT DHE MALLI PER XHENET” Abdurrahman Ibn Rexheb
Thu 23 Mar 2023 - 2:31 nga 
