![[Tregime islame] Ngjarje nga jeta bashkëshortore 200-150_1407924736](https://2img.net/h/islamgjakova.net/uploads/200-150_1407924736.jpg)
Një imam duke ligjëruar në temën martesa islame i këshilloi vëllezërit që t‘ju japin komplimente grave të tyre.
Ai të pranishmëve ua përcolli një ngjarje në jetën e një vëllai i cili në një mbrëmje verore kishte dal në shëtitje me gruan e tij dhe iu kishte drejtuar me këto fjalë: "E dashur, a po e sheh hënën e plotë dhe sa e bukur është sonte?" "Po, e shoh", u përgjigj ajo, e ai i tha: "Ti je më e bukur se hëna!" Një vëlla, i cili mori pjesë në ligjëratë, vendosi që të njëjtat fjalë t'ia thotë gruas së tij... e cila për nga natyra ishte pak më e vrazhdë. Priti një natë kur hëna kishte dal me gjithë bukurinë e saj, dhe i ofroi bashkëshortës së tij për të dal në një shëtitje. Në një moment ai i tha gruas së tij: "E dashur a po e sheh hënën?!" E ajo u përgjigj, "Po, e shoh, nuk jamë e vërbër!"
Një dijetar, i cili njëkohësisht është këshilltar për probleme martesore, mbajti një seminar. Në një moment kërkoi nga të pranishmit që të marrin telefonat e tyre celularë dhe t‘u dërgojnë mesazhe grave të tyre me tekstin: "Të dua!" Disa iu binden dhe vepruan ashtu si kërkoi ai. Pas më pak se një minutë, të gjithë atyre që kishin dërguar mesazhe filluan t‘u cingërrojnë telefonat. Gratë e tyre ishin shumë të befasuara. Ashtu, pothuajse të shokuara, mendonin në çdo gjë.
Njëra prej tyre i kishte thënë burrit të saj: "Kjo është hera e parë që ma ke shpallur dashurinë dhe këto fjalë do të më mbajnë gjer në fund të jetës sime!". E dyta e kishte pyetur burrin saj: "A mos je në spital?" E treta kishte pyetur: "A mos të ka ndodhur diçka, mos e dhasht All-llahu, më informo menjëherë!" Reagimi më interesant dhe më qesharake ishte: "Ebu Muhamed, a mos ta ka vjedhur dikush telefonin!?"
U martua një djalë dhe një vajzë dhe vendosën që muaijn e mjaltit ta kalojnë në një hotel. Kur nusja u ngjit shkallëve, rrëshqiti dhe për pak sa nuk u rrëzua. Burri vrapoi tek ajo, e mori dhe i tha: "Bismillah, a mos je lënduar, e dashur?" Pas disa vitesh, çifti vendosi që bashkë me fëmijët e tyre të shkojnë në pushime në të njëjtin hotel. Kur dolën nga hoteli, duke zbritur shkallëve, gruaja rrëshqiti pothuajse në të njëjtin vend, ashtu si disa vite më parë kur ata ishin në muajin e mjaltit, por kësaj radhe burri i bërtiti: "A mos je e verbër, shiko kah po ecë!"
Përzgjodhi: Esat Rexha
![[Tregime islame] Ngjarje nga jeta bashkëshortore Empty](https://2img.net/i/fa/empty.gif)
Thu 23 Mar 2023 - 2:31 nga 
