[Lajmet Ditore] Gaza perballet me sfiden e madhe te rindertimit

Pesëdhjetë ditët e luftës në Gaza kanë shkatërruar tej mase rajonin, i cili është më i populluari në botë krahasuar me km katror. Me një ekonomi të rënuar nën bllokadën izraelite-egjiptiane, enklava tani përballet me një detyrë thuajse të pamundur të rindërtimit. Për ta bërë atë, Gaza duhet gjetur miliarda dollarë të huaja, e në anën tjetër izraelitët ndalojnë materialet e ndërtimit që të hyjnë në territor. Në Shejaia, një qytet pranë kufirit që është goditur rëndë nga bombardimet izraelite, shumë fabrika dhe shtëpi janë të shkretuara mes tullave të thyera dhe mbeturinave të qelbëzuara. "Disa nga vendet këtu në Gaza, duket sikur janë goditur nga një tërmet," tha Borge Brende, ministri i jashtëm i Norvegjisë, i cili vizitoi zonën këtë javë, për të vlerësuar nevojat humanitare dhe të rindërtimit. Autoriteti Palestinez tha në një studim të publikuar javën e kaluar se duhen rreth 8 miliard dollar për rindërtimin e Gazës. Vetëm heqja e rrënojave do të kushtojë 18.000.000 dollarë, ndërsa Gaza ka nevojë për të holla për ndihma ushqimore, ilaçe, materiale arsimore dhe zhvillim të bujqësisë. Popullsia prej 1.8 milion, në rritje me rreth 50.000 njerëz në vit - është shumë e varur nga ndihmat e donatorëve ndërkombëtarë, dhe niveli i papunësisë nuk ka gjasa të bie nën 40 %, sa është aktualisht. /mesazhi/:

[Lajmet Ditore] Gaza perballet me sfiden e madhe te rindertimit :: Komentet