I Dërguari i Allahut, (a.s.), ka thënë: “Në Xhenet ka shtëpi kaq të bukura. Ato janë përata që flasin mirë, u japin ushqim të tjerëve dhe falen derisa të gjithë janë në gjumë.” (Tirmidhi)

“Vepra më e virtytshme është t’i mbulosh të metat besimtarit, t’i mbushësh barkun (ta ushqesh) dhe ta lumturosh duke i plotësuar një nevojë.” (Taberani)

“Në ditën e kiametit Allahu Teala do t’i pyesë disa prej robërve të Tij: “O biri i Ademit! Më mori uria, pse nuk më dhe
ushqim?”
Ai robi do t’i thotë: «Ti je Zoti i botëve, si mund të të ushqeja Ty?
Allahu Teala do t’i thotë:
«Kur të vinte një shok i uritur, nuk i jepje ushqim. Po t’i kishe dhënë ushqim atij, do të kishe marrë shpërblime sikur të më kishe dhënë Mua.» (Muslimi)

I Dërguari i Allahut (a.s.), ka thënë: «Gostitjet tuaja bëjuani njerëzve me moral të lartë.
Edhe atë që jepni nga rrobat tuaja, jepuani njerëzve besimtarë.
Abdulkadir Gejlani (k.s.), thotë:
«Kur ta nderosh dikë me moral të lartë e devotshmëri dhe ta ndihmosh në punët e kësaj bote, bëhesh ortak në (sevapin e) veprave të tij të mira që do t’i bëjë ai. Krahas kësaj, shpërblimit të tij nuk i pakësohet asgjë. Duke e nderuar atë, e ndihmon në qëllimin e tij, ia lehtëson barrën dhe ia shpejton
hapat në rrugën e Allahut...
Nëse i jep ushqim hipokritit, dyfytyrëshit dhe atij që i kundërshton urdhrat e Allahut dhe e ndihmon atë në punët e kësaj bote, atëherë do të bëhesh ortak në veprat e tij të këqija. Megjithatë, nga dënimi i tij asgjë nuk do të pakësohet.
Ti e ndihmon atë në mosbindje ndaj Allahut duke i dhënë ushqim, kështu që e keqja e tij do të kalojë edhe tek ti.

Në një hadith fisnik thuhet:
“Kush shkon në një tryezë ku nuk është i ftuar, është mëkatar dhe ajo që ha është haram. Askujt nuk i lejohet vizita gjatë vakteve të ushqimit kur nuk është i ftuar.” Ai (mikpritësi) duhet ta përgatisë ushqimin në kohë dhe ta sjellë para mysafirit. Nuk është e përshtatshme ta lësh mysafirin të presë.
Nëse një ose dy nga të ftuarit vonohen, ata marrin pjesë në ushqim më vonë. Mishi, mjalti apo ndonjë ëmbëlsirë tjetër duhet të përfshihet në vaktete servirura, gjithashtu rekomandohet edhe sallata jeshile me uthull. Pastaj duhet t’i vendosë të gjitha ushqimet në tavolinë, në mënyrë që mysafirët t’i shohin të gjitha dhe të dinë se çfarë do të hanë në përputhje me ushqimet.
I Dërguari i Allahut, (a.s.), ka thënë:
“Thuaj Bismi’l-lah, ha me dorën e djathtë dhe para teje!” (Omer ibn Ebu Seleme)
“Kur të hani ushqim, përmendeni emrin e Allahut. Nëse e harroni Besmelenë para ngrënies, thoni«Bismi’l-lah» për në fillim dhe në fund.» (Ebu Da-vud, Tirmidhi)
“Kur njeriu shkon në shtëpi, hyn brenda dhe e përmend Allahun ndërsa ha, djalli u thotë ndjekësve të tij: “Këtu nuk ka vend për t’u strehuar dhe ushqim për të ngrënë ju.” Nëse ai njeri nuk e kujton Allahun kur të hyjë në shtëpinë e tij, shejtani u thotë ndjekësve të tij: «Keni gjetur vend për strehim.
Nëse nuk e përkujton Allahun kur të hajë, shejtani u thotë ndjekësve të tij: “Keni gjetur ushqim për ngrënë.