Lajmet Ditore

Qeveria e Izraelit i ka hedhur poshtë gjetjet e hetimeve nga Këshilli për të drejtat e njeriut të Kombeve të Bashkuara, që ka konkluduar se ushtria izraelite veproi në mënyrë ilegale dhe me nivel joproporcional të dhunës, gjatë ndërhyrjes në anijet me ndihma për Rripin e Gazës, me ç’rast ishin vrarë nëntë vetë.
Ministria e jashtme e Izraelit e kundërshtoi raportin si “anues” kundër Izraelit dhe ka theksuar se Izraeli ende po i zhvillon hetimet e veta dhe, poashtu, po merr pjesë në hetimet e mbështetura nga Zyra e sekretarit të përgjithshëm të OKB-së.
Në raportin e tij, Këshilli për të drejtat e njeriut i OKB-së, tha se kishte “dëshmi të qartë” për ta mbështetur ndjekjen potenciale të zyrtarëve izraelitë, për aksionet e ushtrisë, në muajin maj të këtij viti.
Në raport theksohet se ushtarët izraelitë vepruan me “brutalitet të një niveli të papranueshëm”. Izraeli thotë se ushtarët e tij vepruan në vetëmbrojtje. Evropa e Lire

Në disa pjesë të Jerusalemit Lindor ka pasur shpërthime dhune mes banorëve palestinezë dhe forcave izraelite të policisë.
Dhuna fillimisht shpërtheu pas vrasjes së një palestinezi nga një roje sigurie izraelite. Protestues hodhën gurë dhe sende të forta në drejtim të policisë. Kjo e fundit përdori gaz lotsjellës për të shpërndarë protestën.
Disa orë më pas forcat izraelite të rendit shkuan në zonën pranë xhamisë Al Aksa dhe shpërndanë protestuesit.
Statusi i Jerusalemit është një nga çështjet më të ndjeshme në bisedimet paqësore izraelito-palestineze. Evropa e Lire

Zyrtarët në Taxhikistan thonë se pesë militantë të dyshuar fetar, janë vrarë gjatë një operacioni ushtarak, që për cak kishte militantët e fajësuar për një sulm, nga i cila u vranë 25 ushtarë të Taxhikistanit.
Raportohet se qeveria e ka filluar një ndërhyrje me makina të blinduara dhe me helikopterë në rajonin Rasht, për t’i goditur militantët.
Nuk ka pasur raporte për viktima në radhët e forcave qeveritare.
Ministria e mbrojtjes e Taxhikistanit, thotë se militantët islamikë nga Afganistani, Pakistani dhe rajoni i Çeçenisë në Rusi, kanë marrë pjesë në sulmin vdekjeprurës të së dielës në konvojin e ushtrisë së Taxhikistanit.
Zyrtarët thonë se grupi udhëhiqet nga Mullo Abdullo, komandant militant, që ka luftuar në luftën civile në Taxhikistan, në periudhën 1992-1997. Evropa e Lirë

Shtetet e Bashkuara thonë se “fuqishëm” e mirëpresin vendimin e presidentit të Rusisë, Dmitri Medvedev, për ndalimin e furnizimit me armatim rus për Iranin, në linjë me sanksionet e Kombeve të Bashkuara kundër Iranit, për shkak të programit atomik të këtij vendi.
Në njoftimin e Shtëpisë së Bardhë lavdërohet zoti Medvedev, se ka treguar “udhëheqje” duke e ndaluar transferin e armatimit të avancuar rus në Iran, përfshirë edhe sistemit kundërajror S-300.
Në njoftim, mëtutje, theksohet se kjo lëvizje tregon se si “Rusia dhe Shtetet e Bashkuara po bashkëpunojnë për së afërti kah interesat e përbashkëta dhe siguria globale”.
Rusia e kishte nënshkruar një marrëveshje për furnizim me sistemin e sofistikuar S-300 për Iranin, para disa vitesh, por ky furnizim nuk ishte realizuar për shkak të kundërshtrimeve nga Shtetet e Bashkuara dhe Izraeli. Evropa e Lire

Kryeministri kinez, ëen Jiabao, ka premtuar se Kina do ta ndihmoj Pakistanin me 200 milionë dollarë shtesë, për t’i kapërcyer pasojat e vërshimeve.
Këtë premtim ai e bëri në Nju Jork, ku po merr pjesë në Asamblenë e Përgjithshme të OKB-së.
Ky premtim u bë, pasi Shtetet e Bashkuara i bënë thirrje Pekinit që të bëjë më tepër për ta ndihmuar Pakistanin, i cili është goditur rëndë nga vërshimet. Evropa e Lire

1 person ka vdekur dhe 6 të tjerë u plagosën si pasojë e rrokullisjes së një kamioni të “Higjienës Komunale” sot rreth orës 13.00 në dalje të deponisë Drislla. Pas shkarkimit të mbeturinave, kamioni doli nga korsia duke u rrokullisur në humnerën rreth 50 metra të thellë pranë lumin ‘Markova Reka’. Sipas drejtorit të “Higjienës Komunale”, vetëm 2 nga personat në kamion kanë qenë punëtorë të ndërmarrjes. Personi i tretë në kamion besohet të jetë banor i fshatit Batincë. Sipas dëshmitarëve okularë edhe 3 fëmijë të moshës 15-16 vjeçare kanë qenë të ngjitur në pjesën e pasme të kamionit të cilët i kanë shpëtuar humnerës duke kërcyer përpara rrokullisjes. Deri më tani nga MPB nuk bëjnë të ditur për arsyet e aksidentit.
“Kamionin e pash prej te ajo kthesa që duket atje, pas çka u rrokulliste poshtë. U mundua vozitësi të ktheje këndej, por nuk ja doli dot dhe ra nga ajo ana tjetër. Për fat të mirë nuk pati asnjë makinë, ne e pamë dhe ikëm këtu, dhe 3 veta këtu ranë, të tjerët poshtë. Pa frena, kamionët janë të vjetër”.
“Nuk ka mundur të frenoj. Unë dy vet i mora me makinë dhe u dërgova në spital. Krejt në spital i dërguam, njëri është këtu në vend, njëri është shumë keq, në komë është, të tjerët janë mirë. 6 vetë njëri është në spitalin e qytetit, kurse të tjerët në qendrën urgjente”.
Nga ndërmarrja “Higjiena Komunale” hedh poshtë mundësinë që aksidenti të ketë ndodhur për shkak të parregullsive të automjetit.
“Ja edhe vetë e shihni, edhe për ne është e çuditshme, kur rruga prej në Drislla të çon nga mbeturinat andej, ai ka shkuar drejt. Nuk e di se cilat mund të jenë arsyet që e çuan shoferin të shkojë drejtë humnerës. Automjeti ka qenë i vjetër mirëpo, teknikisht në rregull dhe i regjistruar në kohë në përputhje me ligjet. Automjeti është rreth 20 vjet i vjetër”, tha Goce Delevski, nga “Higjiena Komunale”.
Në vendin e ngjarjes ekipet e MPB-së kryen ekspertizën për të zbuluar shkaqet e aksidentit.
Semra Jakupi

Banorët e fshatit Patishka Reka të komunës së Sopishtes sot ishin të revoltuar për mënyrën se si zhvillohen punët lidhur me ujësjellësin rajonal në këtë komunë. Punimet ndërtuese sot nga mëngjesi filluan me një asistencë të madhe policore. Banorët çuditen pse aq shumë polici dhe bllokim rrugësh. Ata janë të revoltuar me kryetarin e Sopishtes, i cili siç thonë, nuk ka pëlqim nga banorët për ndërtimin e ujësjellësit rajonal.
“Ne gjithmonë kemi probleme me komunën Sopishte, kryetari nuk di tjetër por vetëm policë, edhe vet kur vjen ai për të biseduar me policë shkon në fshat. Ujsjellësin nuk ka asnjëfar pëlqimi as nga bashkësia lokale as prej qytetarëve.”, thotë Batin Memishi, banor i Patishka Rekës.
“Krejt toka që është grabitur është toka e fshatarëve, tokën e kemi me dokumentacion, ai e ka okupuar këtu, dhe ne nuk mund të shkojmë posht. Cilin shtet është kjo?”, pyet Emrula Imeri, banor i Patishka Rekës
“Prej dy të natës kanë ardhur këtu, e kanë bllokuar rrugën askush nuk ka qenë i njoftuar. .. Nuk është hera e parë ne jemi të maltretuar që 4, 5 vite me radhë”, tregon Imer Imeri, banor i Patishka Rekës.
Një pjesë e banorëve të fshatit nuk mundeshin as të hyjnë në fshat nga bllokadat e policisë.
“Mu paraqitën se nënën e kam të sëmur është me shtypje dhe me sheqer. Mirëpo këtu në rrugë na ndaluan dhe nuk na lejojnë që të kalojmë pasi punojnë ata”, rrëfen Ajdar Ajdari, banor i Patishka Rekës.
“Kerkesat janë që momentalisht të ndalen punimet në qoftë se donë ujë le të marrin ujë nga katër lumenjtë ne do ti ndihmojmë por rruga të zgjerohet... Unë do të kisha lut që gjithë Qeveri të vijë dhe të shofin se sa ujë ska e mos bëhet ky manipulim i popullit.”, thotë Ramazan Jashari, banor i Patishka Rekës.
Por kryetari i komunës Sopishte Jovan Georgioski në një bisedë telefonike për Alsat-m thotë se bëhet fjalë për projektin për ujësjellës rajonal me të cilin do të furnizohen me ujë 13 fshatra mes të cilëve edhe fshati Patishka Reka dhe se vet banorët do të përfitojnë nga ky ujësjellës.
“Në këtë moment në atë vend po ndërtohet edhe mini hidrocentalë dhe me ujin e njejtë do të furnizohet edhe të gjithë vendbanimet në komunën tonë. Nuk është e vërtet se rruga ishte bllokuar, por kishte nevojë për legitimacion pasi sigurohet puna e kompanisë ndërtuese”, tregon Jovan Gjorgioski, kryetar i komunës së Sopishtes.
Sipas kryetarit, projekti kalon nëpër pronë shtetërore e jo nëpër pronë private, dhe se Komuna Sopishte planifikon që pas punimeve me ujësjellësin të zgjas rrugën e fshatit për 1,5 metra.
Frosina Pandurska – Dramiqanin

Dy shërbime sekrete pritet të formohen me propozim ligjin e ri për shërbimet e sigurisë dhe sekrete në vend, bëri të ditur ministrja e Brendshme Gordana Jankullovska. Propozim-ligji parashikon formimin e një shërbimi sekret civil i cili do të jetë nën ingerencat e Ministrisë së Brendshme dhe shërbimi sekret ushtarak i cili do të jetë nën kompetencat e Ministrisë së Mbrojtjes. Sipas MPB-së koncepti i ri i propozuar vjen nga një grup ekspertësh të cilët në bazë të analizave disa mujore në vend dhe jashtë kanë konstatuar se funksionimi më efikas dhe racional i shërbimit sekret do të realizohet me krijimin e dy shërbimeve.
“Formuam një grup ekspertësh të cilët në një periudhë disa mujore bënte analizë të situatës dhe përvojat nga bota dhe ky grup ekspertësh pak kohë më parë udhëheqësis së Ministrisë së Brendshme ia parashtroi qëndrimet e veta lidhur me konceptin për shërbimet e mbrojtjes shtetërore në Maqedoni. Ky koncept është shumë më efikas, më i thjeshtë për të zbatuar në pjesën e shfrytëzimit racional të resurseve dhe më e rëndësishmja ky koncept është modern i cili i përshtatet shërbimeve bashkëkohore të mbrojtjes” thotë Gordana Jankullovska, ministre e Brendshme.
Me bashkimin e Agjencisë për Zbulim dhe Drejtorisë për Siguri dhe Kundërzbulim ashtu siç parasheh ligji i ri, nën organin e përbashkët ‘Drejtorinë për siguri shtetërore’ ingerencat e kryetarit të shtetit do t’i kalojnë policisë. Por kjo ide deri më tani ka shkaktuar reagime nga më të ndryshmet. Një pjesë e ekspertëve vlerësojnë se në këtë mënyrë e gjithë fuqia do të përqendrohet në Ministrinë e Brendshme. Propozim ligji i ri javën e ardhshme do të gjendet në komisionin qeveritar.

Kanalizimi i egër, problemi shumëvjeçar i lagjes Hasanbeg së shpejti do të mbetet në të kaluarën pasi aty po ndërtohet rrjet për derdhjen e ujërave të zeza. Kështu deklaroi një ditë pas protestave të qytetarëve të kësaj lagje, deputeti i kësaj zone nga radhët e BDI-së, Safet Neziri. Ky i fundit thotë se në këtë rrjet do të kyçen të gjitha shtëpitë e kësaj lagjeje duke mos anashkaluar asnjë prej tyre.
"Me ndihmën e ministrit të Ekologjisë, Nexhati Jakupi, i cili është financues i drejtpërdrejt i këtij projekti të kanalizimit, dmth do të zgjidhet një problem të them shekullor i banorëve të Hasanbegut, me çka do të përfshihet komplet Hasanbegu në kanalizimin fekal sekundar edhe atë primar, por njëkohësisht unë kam edhe një apel deri tek baorët e Hasanbegut mos ta pengojnë procesin e kanalizimit të Hasanbegut sepse çdo pengesë do ta prolongon procesin e kryerjes ose përfshierjes komplete të vendbanimit Hsanbeg", fton Safet Neziri, deputet i zonës, BDI.
Edhe kryetari bashkësisë lokale të Hasanbeg, Sejdi Murtezani pengimin e punimeve mbi rrjetin e kanalizimit nga ana e disa banorëve të Hasanbegut e cilësoi të kotë pasi edhe vetë ata do të përfitojnë nga i gjithë projekti.
"I apelojë qytetarët që të mos pengojnë në punimin e kanalizimit për arsye se këtë shumë vite jemi munduar për ta bërë dhe shyqyr që arritën dhe e pane të arsyeshme që të punohet në Hasanbeg dhe të bëhet kanalizimi fekal. Për kanalin kemi biseduar që dale nga dale edhe ai do të pastrohet. Mirpo në kanal tani si të ndërprehet derdhja e ujrave të zeza aty nuk do të ketë problem, atëherë mund të vije uji i pastër dhe ajo do të pastrohet", thotë Sejdi Murtezani, kryetar i BL Hasanbeg.
Dje disa banorë, të irrituar nga fakti se qyteti i Shkupit po i anashkalon ata për t’i kyçur në rrjetin e kanalizimit, penguan punimet që po bëhen për kyçjen e fshatit fqinjë Stajkovc në rrjetin kryesor. Ata dje gjatë protestës thanë se nuk janë kundër fshatit fqinjë, por se i irriton neglizhenca e autoriteteve për t’i përfshirë edhe ata në këtë projekt të rëndësishëm.
Valmir Kuçi

Ministria e Brendshme sot u bëri thirrje qytetarëve për të dorëzuar apo për të kërkuar legalizimin e armëve që posedojnë pa leje. Qëllimi i aksionit policor i cili ka filluar që nga fuqizimi i ligjit të ri për armë në maj të vitit të kaluar, është zvogëlimi i numrit të armëve jolegale në duartë e qytetarëve, dhe me këtë ulje e numrit të vrasjeve dhe incidenteve tjera me armë. Afati njëvjetor vlen deri me 5 qershor të vitit të ardhshëm.
“Kjo do të thotë se qytetarët në mënyrë vullnetare do të mund të paraqesin armët në të gjitha stacionet policore të vendit. Dallimi me ligjin e vjetër është se qasja metodologjikë është më e ndryshme, që do të thotë se ligji i ri mbron qytetarët nga eksponimi i padëshiruar i tyre në publik nëpër punktet e policisë, ashtu siç ishte në të kaluarën.”, thotë Gordana Jankullovska, ministre e Brendshme.
“Seminari i sotëm dëshmon rëndësinë e kontrollit të armëve të vogla dhe të lehta në luftën kundër dhunës me armë. Ligji i ri i armëve do t’u jep mundësi qytetarëve të legalizojnë apo dorëzojnë armët. Ne besojmë se këto përpjekje për rritjen e sigurisë së qytetarëve do të vazhdojnë edhe në të ardhmen”, thotë Natalia Drozd, zëvendësshefe e misionit të OSBE-së në Shkup.
Këto mesazhe u përcollën në seminarin njëditorë të organizuar nga Ministria e Brendshme, dhe i mbështetur nga misioni i OSBE-së në Shkup. Qëllimi i seminarit ishte promovimi i ligjit për armë, ngritja e vetëdijes së qytetarëve për të dorëzuar armët jolegale por edhe informimin e nëpunësve të policisë me procedurat të cilët duhet të jenë unifikuara në të gjitha stacionet policore. Semra Jakupi

Punëtorët sezonal e humbin ndihmën sociale, statusin pensionist ose i papunë nëse punojnë për disa ditë ose muaj në disa nga kompanitë vendore që kanë nevojë për punëtor sezonal. Punëtorët thonë se nuk kanë llogari që për disa ditë punë ta humbin statusin ose ndihmën që e marrin nga shteti. Megjithatë, gjendja e këtillë iu shkakton kokëçarje plotësuese pronarëve të cilët nuk mund të gjejnë krah punë për ta kryer punën dhe ta dërgojnë në kohë mallin e kontraktuar deri të porositësit e tyre. Një pjesë e pronarëve thonë se duhet të ndryshohet rregullorja e punës me çka nuk do të kenë probleme me inspektoratet.
“Nuk mund të gjejmë zgjidhje përkatëse në ligjet ekzistuese sepse një pjesë e mirë e këtyre punëtorëve ose marrin ndihmë sociale ose janë pensionistë, bujq dhe nëse i lajmërojmë do të humbin një varg benefitesh. Andaj po përballemi me këtë problem në momentin e dhënë të mos kemi sa duhet punëtorë. Konsideroj se nevojitët një zgjidhje përkatëse ku do të thjeshtësohen gjërat në mbrojtjen e të drejtave të punëtorëve”, thotë Risto nikollovski, therrtorja Kllaneks.
Sipas Konfederatës së punëdhënësve pronarët shumë rrallë i lajmërojnë punëtorët, të cilët iu punojnë për disa ditë. Një pjesë e pronarëve të anketuar si shkak për mos lajmërimin e përmendën procedurën e gjatë të lajmërimit dhe ç’lajmërimit të punëtoreve. Kështu punëtorët përpos që nuk kanë kurrfarë statusi, stazhi, të drejta, shpesh herë mbetnin edhe pa pagën e kontraktuar, kurse shteti humb mjete nga kontributet që do ti paguanin pronarët për punëtorët.
“Shumica e kompanive as që dinë e ku t'i shfrytëzojnë shërbimet e agjencive për punësime të përkohshme për punësimin përkohshëm, kurse për shkak të procedurave burokratike shumë vështirë kompanitë vendosin që të hyjnë në radhët dhe të humbin kohë për lajmërim dhe ç’lajmërim për një ditë për dy punëtor”, thotë Mile Boshkov, Konfederata e punëdhënësve.
Ndërkaq sipas kërkimit që është bërë në teren vetëm 2 për qind e kompanive kërkuan ndihmë nga agjencia për punësime të përkohshme, kurse 75 për qind të punëtorëve i gjetën drejtpërsëdrejti, kurse u shfrytëzuan gjatë verës. Mëditjet për punën njëditore për një punëtorë janë brengosëse prej 200 deri më 600 denarë.
Verica Pavllovska

23 shtator-Por për shkak te gjendjes se dehur dhe sasisë së madhe të konsumit të alkoolit, ish gruaja e tij nuk e lejoj Z.D që t`I shoh fëmijët i cili i revoltuar e ka hedhur në dysheme ish gruan e tij.M.B në atë moment ka ndërhyrë që të mbrojë vajzën e saj por Z.D e ka sulumuar me bishtin e një sakice, bëri të ditur policia e Tetovës.

Tetovë, 23 shtator-Sipas rrëfimit të tetovares M.B, mbrëmë rreth orës 21.30 në shtëpinë e tyre ka ardhur ish burri i vajzës së saj Z.D 33 vjeçar me qëllim që ti shoh fëmijët të cilët tani më jetojnë me nënën e tyre në shtëpinë e prindërve të saj.

Por për shkak te gjendjes se dehur dhe sasisë së madhe të konsumit të alkoolit, ish gruaja e tij nuk e lejoj Z.D që t`I shoh fëmijët i cili i revoltuar e ka hedhur në dysheme ish gruan e tij.M.B në atë moment ka ndërhyrë që të mbrojë vajzën e saj por Z.D e ka sulumuar me bishtin e një sakice, bëri të ditur policia e Tetovës.

Sipas policisë së Tetovës, pas paraqitjes së rastit në Sektorin për Punë të Brendëshme në Tetovë. Z. D është arrestuar dhe i është marrë sëpata, ndërsa pas testit të alkoolit, në gjak i është gjetur 2, 68 përqind alkool.

Banorët e fshatit Patishka Reka të komunës së Sopishtes sot ishin të revoltuar për mënyrën se si zhvillohen punët lidhur me ujësjellësin rajonal në këtë komunë. Punimet ndërtuese sot nga mëngjesi filluan me një asistencë të madhe policore. Banorët çuditen pse aq shumë polici dhe bllokim rrugësh. Ata janë të revoltuar me kryetarin e Sopishtes, i cili siç thonë, nuk ka pëlqim nga banorët për ndërtimin e ujësjellësit rajonal.
“Ne gjithmonë kemi probleme me komunën Sopishte, kryetari nuk di tjetër por vetëm policë, edhe vet kur vjen ai për të biseduar me policë shkon në fshat. Ujsjellësin nuk ka asnjëfar pëlqimi as nga bashkësia lokale as prej qytetarëve.”, thotë Batin Memishi, banor i Patishka Rekës.
“Krejt toka që është grabitur është toka e fshatarëve, tokën e kemi me dokumentacion, ai e ka okupuar këtu, dhe ne nuk mund të shkojmë posht. Cilin shtet është kjo?”, pyet Emrula Imeri, banor i Patishka Rekës
“Prej dy të natës kanë ardhur këtu, e kanë bllokuar rrugën askush nuk ka qenë i njoftuar. .. Nuk është hera e parë ne jemi të maltretuar që 4, 5 vite me radhë”, tregon Imer Imeri, banor i Patishka Rekës.
Një pjesë e banorëve të fshatit nuk mundeshin as të hyjnë në fshat nga bllokadat e policisë.
“Mu paraqitën se nënën e kam të sëmur është me shtypje dhe me sheqer. Mirëpo këtu në rrugë na ndaluan dhe nuk na lejojnë që të kalojmë pasi punojnë ata”, rrëfen Ajdar Ajdari, banor i Patishka Rekës.
“Kerkesat janë që momentalisht të ndalen punimet në qoftë se donë ujë le të marrin ujë nga katër lumenjtë ne do ti ndihmojmë por rruga të zgjerohet... Unë do të kisha lut që gjithë Qeveri të vijë dhe të shofin se sa ujë ska e mos bëhet ky manipulim i popullit.”, thotë Ramazan Jashari, banor i Patishka Rekës.
Por kryetari i komunës Sopishte Jovan Georgioski në një bisedë telefonike për Alsat-m thotë se bëhet fjalë për projektin për ujësjellës rajonal me të cilin do të furnizohen me ujë 13 fshatra mes të cilëve edhe fshati Patishka Reka dhe se vet banorët do të përfitojnë nga ky ujësjellës.
“Në këtë moment në atë vend po ndërtohet edhe mini hidrocentalë dhe me ujin e njejtë do të furnizohet edhe të gjithë vendbanimet në komunën tonë. Nuk është e vërtet se rruga ishte bllokuar, por kishte nevojë për legitimacion pasi sigurohet puna e kompanisë ndërtuese”, tregon Jovan Gjorgioski, kryetar i komunës së Sopishtes.
Sipas kryetarit, projekti kalon nëpër pronë shtetërore e jo nëpër pronë private, dhe se Komuna Sopishte planifikon që pas punimeve me ujësjellësin të zgjas rrugën e fshatit për 1,5 metra.
Frosina Pandurska – Dramiqanin

Vlerësime historike, politike, gjeografike, sociale tek fqiu jonë jugor paraqiti sot para Komisionit parlamentar për Punë të Jashtme, Sashko Stefkov, ambasadori i ri i Maqedonisë në Greqi. Në platformën për aktivitetet e saja diplomatike Stefkov vlerësoi se marrëdhëniet mes dy vendeve janë të karakterizuara nga komplikime dhe lëkundje. Në kontestin lidhur me emrin, ambasadori i ri tha se që nga fillimi i problemit, në vitet e nëntëdhjeta, u vendos që diskutimet të veçohen nga ato dypalëshe.
"Në aktivitetin e zyrës diplomatike konsullore nuk ka asnjëfarë kompetence, e as kompetenca në lidhje me këtë çështje. Esenca prej atëherë është mirë e menduar, sepse në qoftë se kjo çështje diskutohet në nivele të tilla, në të dy kryeqytetet ajo do t'i hedhë në hije të gjitha tjerat, kështu paraqitet edhe rasti për të zhvilluar çdo lloj bashkëpunimi dypalësh", tha Sashko Stefkov,ambasador i Maqedonisë në Greqi.

Në Nju Jork përfundoi takimi i presidentit të Maqedonisë Gjorge Ivanov dhe kryeministrit grek Jorgos Papandreu. Sipas informacineve nga kabineti i shefit të Maqedonisë, nuk është biseduar për propozime konkrete, por për hapa me të cilat mundë të vihet deri te zgjidhja e cështjes së emrit. Ivanov, kryeministrit Papandreu i ka deklaruar se bëhet fjalë për cështje të ndjeshme dhe se i tërë procesi kërkon rritje të besimit të ndërsjellë. Gjatë takimit nuk është biseduar për afate eventuale për mbyllje të cështjes. Deri te takimi Ivanov-Papandreu erdhi pasi kryeministri Gruevski deklaroi se nuk do të shkojë në SHBA dhe se me presidentin Ivanov janë dakorduar që ai ti ndërmer detyrat e tij.

Ministria e Brendshme sot u bëri thirrje qytetarëve për të dorëzuar apo për të kërkuar legalizimin e armëve që posedojnë pa leje. Qëllimi i aksionit policor i cili ka filluar që nga fuqizimi i ligjit të ri për armë në maj të vitit të kaluar, është zvogëlimi i numrit të armëve jolegale në duartë e qytetarëve, dhe me këtë ulje e numrit të vrasjeve dhe incidenteve tjera me armë. Afati njëvjetor vlen deri me 5 qershor të vitit të ardhshëm.
“Kjo do të thotë se qytetarët në mënyrë vullnetare do të mund të paraqesin armët në të gjitha stacionet policore të vendit. Dallimi me ligjin e vjetër është se qasja metodologjikë është më e ndryshme, që do të thotë se ligji i ri mbron qytetarët nga eksponimi i padëshiruar i tyre në publik nëpër punktet e policisë, ashtu siç ishte në të kaluarën.”, thotë Gordana Jankullovska, ministre e Brendshme.
“Seminari i sotëm dëshmon rëndësinë e kontrollit të armëve të vogla dhe të lehta në luftën kundër dhunës me armë. Ligji i ri i armëve do t’u jep mundësi qytetarëve të legalizojnë apo dorëzojnë armët. Ne besojmë se këto përpjekje për rritjen e sigurisë së qytetarëve do të vazhdojnë edhe në të ardhmen”, thotë Natalia Drozd, zëvendësshefe e misionit të OSBE-së në Shkup.
Këto mesazhe u përcollën në seminarin njëditorë të organizuar nga Ministria e Brendshme, dhe i mbështetur nga misioni i OSBE-së në Shkup. Qëllimi i seminarit ishte promovimi i ligjit për armë, ngritja e vetëdijes së qytetarëve për të dorëzuar armët jolegale por edhe informimin e nëpunësve të policisë me procedurat të cilët duhet të jenë unifikuara në të gjitha stacionet policore. Semra Jakupi

Autoritetet kineze e ashpërsuan retorikën ndaj Japonisë në orvatjen që ta detyrojnë Tokion ta lirojë kapitenin e anijes kineze. Atë Japonia e arrestoi në fillim të këtij muaji për shkak se peshkonte në ujërat e diskutueshme territoriale. Kryeministri i Qeverisë kineze, Ven Xhijabao u kërcënua sot madje edhe me përdorimin e forcës.
"Në një situatë të tillë ne nuk kemi zgjidhje tjetër, përpos që të ndërmarrim masa të domosdoshme dhe me forcë. Do të doja ta ftojë qeverinë japoneze që menjëherë dhe pa kushte ta lirojë kapitenin e anijes kineze. Nëse Japonia vazhdon të jetë e paturpshme, atëherë qeveria kineze do të ndërmarr veprime të mëtejshme", u kërcënua Ven Xhijabao, kryeministri i Kinës.
Paralelisht me këtë presion politik, Kina vendosi sot ta ndërpresë tërë eksportin e metaleve të rralla për Japoninë. Aktualisht, Kina përpunon 95 për qind nga gjithsej 17 lëndë të para strategjike, përkatësisht metale të rralla që janë me rëndësi kyçe për prodhimtarinë në shumë degë ekonomike në Japoni. Zonat e diskutueshëm detare midis dy vendeve janë disa ishuj të pabanuar në Detin Lindor Kinez. Alsat-M