Lajmet Ditore

Stavreski dhe Kargov prezantojnë efektet nga importi i automjeteve të përdorura



Zëvendëskryeministri dhe ministri i Financave, Zoran Stavreski dhe drejtori i Drejtorisë Doganore, Vanço Kargov sot do t'i prezantojnë efektet nga importi i automjeteve të përdorura dhe gjashtë muajt e dhënë shtesë për riregjistrim të automjeteve me targa të huaja.
Mundësinë për import të automjeteve më të vjetra të përdorura që e plotësojnë standardin EURO 1 e ka dhënë Qeveria nga marsi i këtij vit dhe ka qenë valid deri më 5 gusht, ndërsa për shkak të interesit të madh është vazhduar deri më 30 shtator të vitit 2010.
Pas skadimit të afatit, automobilat me targa të huaja do të mund t'i përdorin pronarët gjashtë muaj kumulativ në një vit në territorin e vendit. Pas kësaj shfrytëzuesi fiton mundësi në afat të caktuar ta doganojë ose ta kthejë prapa automjetin.
Nëse nuk vepron sipas vendimit të këtillë mund të vijë deri në marrje të përkohshme të automjetit. Sanksioni i paraparë për shfrytëzim të automjetit më shumë se gjashtë muajt e lejuar është 100 euro, ndërsa nëse paguhet menjëherë gjoba arrin 50 euro.
Afati për import të automjeteve me standard EURO 2 dhe më shumë është gjashtë vjet. /MIA/

Ministri i Mbrojtjes, Zoran Konjanovski, i cili është për vizitë zyrtare në Shtetet e Bashkuara të Amerikës, sot në Uashington do të takohet me sekretarin amerikan të Mbrojtjes, Robert Gejts.
Pas takimit me Gejtsin, ministri Konjanovski do të ketë brifing në Zyrën për politikë mbrojtëse dhe Shtabin e bashkuara G5 në Pentagon. Pastaj do të mbajë falim në Këshillin Atlantik, pas çka do të pasojë sesioni strategjik i Këshillit.
Konjanovski duhet të takohet edhe me përfaqësues të Këshillit për siguri nacionale dhe të Byrosë për çështje ushtarako-politike, si dhe me disa senatorë dhe kongresmenë, në mesin e të cilëve edhe me Patrik Leahi dhe kandidatin e Republikanëve për president, Mekkejin.
Senatori Leahi dje parashtroi Rezolutë deri te Senati amerikan në të cilën shfaq falenderim deri te populli i Maqedonisë dhe Qeveria e Republikës së Maqedonisë për bashkëpunim, përkushtim dhe pjesëmarrje në avancimin e paqes, demokracisë, stabilitetit dhe mirëkuptimin reciprok ndërmjet qeverive dhe popujve të botës.
Të mërkurën delegacioni i Maqedonisë i kyresuar nga ministri Konjanovski, në të cilin është edhe shefi i Shtatmadhorisë, Mirosllav Stojanovski do të udhëtojë për në Otavë ku do të ketë takim me ministrin kanadez të Mbrojtjes, Piter Mekkejn. /MIA/

Kandidati i moderuar mysliman duket sikur i është afruar fitores në Bosnje për të siguruar vendin në presidencën kolektive të Bosnjës.
Rezultatet treguan se Bakir Izetbegoviq, djali i ish lideri të Bosnjës, Alija Izatbegoviq, ka fituar rreth 34 për qind të votave në zgjedhjet e djeshme, duke mundur presidentin aktual Haris Silajxhiq.
Duke folur pas shpalljes së rezultateve, Izetbegoviq u zotua të bashkëpunojë me grupet tjera etnike për të inkurajuar zhvillimin ekonomik të vendit.
“Ne po shkojmë sipas mendimit tim drejt stabilizimit të situatës në Bosnje, për të sjellë një të ardhme më të mirë për qytetarët e Bosnjë e Hercegovinës, e cila nënkupton paqe dhe kushte më të mira për zhvillimin e vendit”, tha Izetbegoviq.
Rezultatet po ashtu treguan se anëtari kroat i presidencës, Zheljko Komshiq, i cili favorizon Bosnjën shumë etnike, ka siguruar rrethin e dytë.
Anëtari serb Nebojsha Radmanoviç, i cili mbështet ndarjen e entitetit serb, gjithashtu prin në vota.
Zyrtarët e zgjedhjeve thanë se dalja në votime ishte rreth 56 për qind, më e larta prej vitit 2002. /REL/

Politikani i së djathtës ekstreme në Holandë, Gert Uilders, sot doli para gjyqit në Amsterdam nën akuzat për nxitje të urrejtjes racore kundër myslimanëve.
Gjykimi mbahet në kohën kur Partia e Lirisë, të cilën Uilders e drejton, përgatitet të bashkëpunojë me koalicionin e ri qeveritar në Holandë.
Uilders, i cili e përqendroi fushatën e tij në ndalimin e mbajtjes së ferexhesë dhe dhënien fund të imigracionit të myslimanëve, ka bërë provokime të numërta kundër myslimanëve.
Nëse shpallet fajtor, ai mund të dënohet deri me 16 muaj burg dhe 10 mijë euro gjobë.
Vendimi i gjykatës pritet në fillim të nëntorit. /REL/

Gjyqësori është nga vrimat e zeza të sistemit shtetëror të Maqedonisë. Vërejtjet në këtë plan janë të vazhdueshme edhe nga institucionet ndërkombëtare. E njëjta gjendje pritet të përsëritet edhe në raportin e ardhshëm të Komisionit Europian, i cili pritet të publikohet në nëntor. Burime brenda drejtorisë për zgjerim pranë Bashkimit Evropian, theksojnë se KE në raport do të kërkojë reforma në gjyqësor, pasi të njëjtat do të jenë të rëndësishme për ardhmërinë e vendit. Për këtë arsye Komisioni Europian do të kërkojë nga Qeveria e Maqedonisë të sigurojë pavarësi më të madhe për gjyqësorin, dhe efikasitet në punën e tij.
Por edhe përkundër këtij fakti numri një i ministrisë së drejtësisë Mihajllo Manevski për Alsat-M thekson se është shënuar progres në të gjitha sferat.
“Progresi është evident në të gjitha sferat dhe sigurisht në planin ligjvënës, në rregullimin e kornizës ligjore të Maqedonisë, me miratimin dhe harmonizimin e ligjeve me standarde evropiane dhe zbatimi i ligjeve që është me rëndësi meqë nuk duhet vetëm të miratohen ligjet por edhe të zbatohen. E njëjtë është situata edhe me reformat në sistemin gjyqësor, në parlament në procedurë janë 7-8 ligje nga sfera e gjyqësisë”, tha Mihajllo Manevski ministër i Drejtësisë
Në raportin e vitit të kaluar theksohen vërejtje të mëdha sidomos për burgjet, si moszbatimi i mekanizmave efikase për parandalimin e korrupsionit mes kuadrit që punon atje, pastaj faktin që politika ka gisht në emërimin e personave në pozitat e ndryshme udhëheqëse në burgje, personel jo i trajnuar profesional, sjellje degraduese ndaj të burgosurve dhe kushtet e këqija infrastrukturore. Gjyltene Rexhallari

Partia ‘Të bashkuar për Maqedoninë’ paralajmëron protestë masive më 7 nëntor. Sipas kryetarit të saj, Lube Boshkovski në protestë do të mund të marrin pjesë të gjithë qytetarët që janë për ndryshime thelbësore në vend, dhe të gjithë ata të cilët për 20 vite resht, votën e tyre ua japin politikanëve të cilët atë e shfrytëzojnë për përfitime personale. Boshkovski me këtë rast i ftoi në protestë kundër siç u shpreh ai Gruevskit dhe bashkëpunëtorëve të tij, të cilët në vend të demokracisë kanë instaluar diktaturën.
“Protestë kundër të gjithë politikanëve të deritanishëm, kryeministrave dhe një pjese të madhe të ministrave të cilët në vend që ta transformojnë vendin nga socializmi në kapitalizëm, na kthyen prapa në feudalizëm. Protestë kundër krizës së madhe ekonomike e morale, të shkaktuar nga një grup I vogël I cili në mënyrë të paskrupullt po vjedh dhe shkatërron krejt atë që është krijuar dhe ndërtuar nga gjeneratat dhe qytetarët e Maqedonisë”, deklaroi Lube Boshkovski, kryetar i ‘Të bashkuar për Maqedoninë’. Alsat-M

Ministri pa portofol në Qeverinë e Maqedonisë, Nexhdet Mustafa, në një intervistë për Radion “Evropa e Lirë”, ka kritikuar masat e Francës për dëbimin e romëve. Ai thotë se refugjatë romë nga Kosova, të cilët tashmë 10 vjet jetojnë në Maqedoni, mund të mbeten në shtet. Mustafa shprehet se Qeveria e Maqedonisë shpreh gatishmërinë për ata që duan të integrohen dhe i plotësojnë kushtet për azil, të kenë qasje të lirë dhe të mund të integrohen në shoqëri.
“Unë mendoj se Maqedonia me shumë sukses e bëri atë. Atë mund të shihen si model shtetet demokratike shumë më të forta e me demokraci të afirmuar...Ne me modelin e refugjatëve romë nga Kosova që disa vjet me sukses ia dalim dhe mendoj se këtu jemi shumë tolerantë...bëjmë me shumë sukses integrimin e romëve në shtetin tonë”, tha Nezhdet Mustafa, ministër pa resor. Alsat-M