Turqia është në gjendje emergjence që nga shpërthimi i
dhunës në Libi, për shkak të nënshtetasve turq që jetojnë dhe punojnë
atje. Numri i nënshtetasve turq në Libi është mbi 25.000, të cilët
punojnë në sektorë të ndryshëm.
Për shkak të vështirësive që hasin aeroplanët turk në
transportin e nënshtetasve të tyre, Turqia u detyrua të dërgojë anije
për transportin e tyre. Veç kësaj, kryeministri turk i kërkoi shtabit
të përgjithshëm të qëndrojë i përgatitur për operacione ushtarake në
Libi, për transportimin e nënshtetasve turq, nëse lipset.
Pak para mbledhjes së këshillit të sigurisë kombëtare,
Erdogani organizoi një takim sigurie në Ankara, për të vlerësuar
situatën në Libi. Në këtë takim, merrnin pjesë zv. Kryeministri,
ministri i jashtëm, ministri i mbrojtjes, shefi i shtabit të
përgjithshëm dhe kreu i sigurimit turk.
Sipas burimeve, ndërhyrja ushtarake mbetet si mundësi për
transportin e nënshtetasve turq, por do të jetë zgjedhja e fundit.
Erdogani theksoi se ky operacion ushtarak do të jetë vetëm për
transportin e nënshtetasve turq.INA
Thu 23 Mar 2023 - 2:31 nga 
