[Lajmet Ditore] Konvoji i ushtrisë turke hyn në Siri

6 tanke dhe 12 automjete të blinduara të forcave të armatosura turke kanë hyrë në Siri, për të mbrojtur varrin e Suleiman Shah në Aleppo. Qindra ushtarë thuhet se janë vendosur në bazë, vetëm 200 metra larg nga territori që është nën kontrollin e grupit kryengritës “Shteti islamik i Irakut dhe Levantit (ISIL). Kryeministri turk Rexhep Tajip Erdogan konfirmoi se përforcimet ishin dërguar për të ruajtur bazën, por mohoi se ky veprim ishte në përgjigje të një kërcënimi nga ISIL. Erdogan tha se konvoji ishte dërguar për të ofruar furnizimet në bazë. Grupi kryengritës ISIL, grup i cili u nda nga Al-Kaida, më parë kishte kërcënuar Turqinë se nëse nuk tërhiqen nga baza, edhe ata do të sulmoheshin. Varri i Suleiman Shahut, është vend pushimi i themeluesit të Perandorisë Osmane. Zona ku është vendosur varri i tij është i njohur ndërkombëtarisht si tokë turke në bazë të marrëveshjeve, dhe Turqia ka paralajmëruar se do të mbrojë territorin e vet në qoftë se do të sulmohet. /mesazhi/:

[Lajmet Ditore] Konvoji i ushtrisë turke hyn në Siri :: Komentet