Dhunë në manifestimin e palestinezëve për bashkimin e Bregut Perëndimor me Gazën

Në demonstratën e palestinezëve të organizuar për bashkimin e Bregut Perëndimor me Gazën janë përjetuar konflikte.
Në demonstratën ku merrnin pjesë me mijëra njerëz u bë thirrje që palestinezët të mblidhen nën një udhëheqje të vetme.
Palestinezët u mblodhën për të realizuar dëshirën e tyre të publikuar edhe në internet, bashkimin e Bregut Perëndimor me Gazën.
Në manifestimin e bërë në Gaza mendohet se morën pjesë rreth 100 mijë persona.
Sipas deklaratave të manifestuesve, forcat e sigurisë të Hamasit, në fillim bënë thirrje për “t’u shpërndarë” dhe më pas përdorën forcë ndaj 2 mijë personave që nuk pranuan të shpërndahen.
Në përleshje bëhet e ditur se janë plagosur me dhjetëra persona.
Kurse Hamasi, ka hedhur pretendimin se konflikti u përjetua midis grupeve me pikëpamje të kundërta.
Ndërkaq, lideri i Hamasit, Ismail Hanije, përpara manifestimit i kishte bërë thirrje Kryetarit të Shtetit të Palestinës Mahmud Abbas për tu takuar me qëllim arritjen e unitetit ndërmjet palestinezëve.
Në manifestimin e organizuar në Bregun Perëndimor për unitet morën pjesë 4 mijë veta.
Grupi që u mblodh në Gaza dhe në Bregun Perëndimor është kundër sovranitetit të Izraelit në Bregun Perëndimor.
(TRT)