Mënyrat si të kurseni karburantin e makinës

Mënyrat si të kurseni karburantin e makinës
28.03.2011, ora 18:27


Të fundit nga kjo kategori
Rio i ri në përgatitje e sipër
Porsche planifikon një konkurent për Ferrari 458
9 hapa për të zgjedhur një veturë të përdorur
Makina ndalon, kur i del para këmbësori
Brutus, është ende "gjallë"
Kohët e fundit, jo vetëm cmimet e ushqimeve, frutave, perimeve, por edhe karburanti sa vjen dhe pëson rritje në treg. E në momentin që rritet karburanti, mendjen e ke vetem se si ta kursesh sa më shume atë...

Më posht po ju paraqesim disa disa këshilla të vogla që mund t′iu ndihmojnë për harxhimin sa më pak të karburantit.

1) Përdoreni makinën me kujdes!

Mos i jepni makinës tuaj shpejtësi të menjëherëshme dhe mos bëni frenime të menjëhershme. Pra shikoni rrugën përpara dhe mos ecni me shpejtësi e pastaj të frenoni menjëherë sepse është karburant i humbur kot. Përpara se të niseni për udhëtim përcaktoni rrugën nga do të kaloni.

2) Ngite makinën tënde me shpejtësi normale!

Përdorimi i shpejtësive të larta rrit forcën e fërkimit të ajrit me makinën tuaj duke rritur konsumin e karburantit.

3)Përdor marshe të larta!

Përdorimi i marsheve të larta ul rrotullimet e motorrit dhe shpejtësinë e tij dhe kjo bënë që të rritet performanca e karburantit.

4)Kontrollo presionin e gomave!

Gomat e rëna kërkojnë më shumë energji për të lëvizur makinën për shkak të fërkimit të madh me tokën. Po ashtu edhe gomat e reja harxhojnë më shumë karburant.

5)Mos e mbushni serbatorin plot nëse nuk është e nevojshme!

Mbushja e serbatorit plot do të thotë peshë shtesë në makinë që kërkon edhe më shumë energji për ta transportuar.

6)Përdoreni kondicionerin aty ku duhet!

Kondicioneri konsumon nga motorri i makinës dhe kur është ndezur harxhon karburant. Nëse keni mundësi hapni më mirë xhamin sesa të përdorni kondicionerin aty kur nuk duhet.

7)Mos ngarkoni pesha shumë të rënda!

Varet nga mënyra se si e përdorni ju makinën për transport të gjërave që ju nevojiten. Është e këshilluar që peshat që nuk ju duhen të mos i mbani në makinë. Ngarkesa e makinës me pesha shton konsumin e karburantit.

8)Mos e lini kot makinën ndezur!

Duhet të dini se për ngrohjen e motorit mund të mjaftojnë edhe 30 sekonda dhe për kalimin e të gjitha proçeseve maksimumi 3 minuta. Kjo varet nga makina që përdor. Fik motorin kur je duke pritur apo në radhë të gjatë. Makinat e vjetra kishin më shumë performancë me motor të nxehtë.

9)Përdor vajin e duhur për makinën tënde!

Përdorni vajin që ju këshillohet sepse kjo mund të rrit perfomancën.

10)Kontrolloni filtrat e ajrit!

Mjafton të merrni filtrin dhe ta shikoni në drejtim të diellit nëse rrezet e diellit nuk e kalojnë filtrin ato duhen ndërruar. Filtrat e papastër ulin perfomacën e motorit.

11)Përdorni makinë të vogël!

Përpara se të blesh makinë mendohu mirë. Makinat e vogla harxhojnë pak dhe janë ekonomike.

12)Mos e përdor gjithmonë makinën!

Kjo mund t’iu duket qesharake por ka vende ku mospërdorimi i makinës ka më shumë përfitim sidomos në periudhat apo kohët kur ka trafik. Në rastin konkret flasim për udhëtimet që mund të zëvendësohen nga mjete të tjera. Në rast se ke blerë një makinë nuk do të thotë që në çdo vend që shkon, të ikë sh me makinën tënde personale