Holandë: Së shpejti ndalohet therja religjioze!

Holanda ishte nga vendet e para që hebrenjve në mënyrë të hapur ua mundësoi praktikumin e fesë, mirëpo tani në këtë vend mund të hyjë në fuqi ligji i cili ndalon një traditë shekullore, respektivisht ritualin e therjeve të kafshëve, jo vetëm për hebrenjtë, por edhe për pjesëtarët e fesë islame.
Pas këtij ligji qëndron partia djathtiste e Lirisë dhe Partia për të drejta të kafshëve, të cilat dëshirojnë të ndalojnë mënyrën therjes sipas traditës hebreje dhe islame në Holandë. Partitë në fjalë një nismë të këtillë e argumentojnë me vuajtjen e kafshëve gjatë mënyrave të tilla të therjes.
Djathtistë, të cilët njihen për armiqësinë ndaj myslimanëve, presin që ligji të votohet në parlament gjatë muajit të ardhshëm.
Mirëpo, popullata myslimane dhe ajo hebreje që jetojnë në Holandë, ligjin në fjalë e kanë karakterizuar si sulm ndaj lirisë së fesë, shkruan ‘Dayli Mail’.
Abdulfatteh Ali Salah, drejtorë i “Standardit Hallall” në Holandë, thotë se myslimanët që jetojnë në këtë vend mendojnë se shoqëria holandeze më shumë interesohet për kafshët se sa të drejtat e barabarta për të gjithë qytetarët.
Nëse ligji do të miratohet, atëherë Holanda do t’i bashkohet Zelandës së Re, vendeve skandinave dhe Zvicrës, të cilat një ndalim të këtillë e kanë prej shumë vjetëve