Jemeni vazhdon të lundrojë në ujëra të turbullt

Në Jemen vazhdon situata e tensionuar.
Përpjekjet e Këshillit të Bashkëpunimit të Gjirit, i cili synon
kompromisin e udhëheqjes dhe grupeve opozitare, rrezikohen të dështojnë.
Marrëveshja e cila do të realizonte kompromisin midis qeverisë së
Jemenit dhe opozitarëve pritej të nënshkruhej sot në Kryeqytetin Riad të
Arabisë Saudite.
Kjo marrëveshje e përgatitur prej Këshillit të Bashkëpunimit të
Gjirit, parashikonte që Ali Abdullah Salih ta linte detyrën brenda një
muaji dhe brenda dy muajve të bëheshin zgjedhjet për kryetarin e ri të
shtetit.
Autoritetet nga opozita, vënë në dukje se Salihu ka mohuar ta
nënshkruajë këtë marrëveshje me titullin Kryetari i Shtetit dhe do që ta
nënshkruajë atë si Kryetari i Përgjithshëm i partisë në pushtet, gjë
kjo që bie në kundërshtim me marrëveshjen e përgatitur nga Këshilli i
Bashkëpunimit të Gjirit.
Pas kësaj edhe opozitarët kanë deklaruar se nuk do të shkojnë në Rijad.
Këto zhvillime bënë që Sekretari i Përgjithshëm i Këshillit të
Bashkëpunimit të Gjirit Abdul-Latif al-Zajani të shkojë në kryeqytetin
Sana të Jemenit për tu takuar me Salihun.
Nga ana tjetër, në kryeqytetin Sana, vazhdojnë protestat kundër Kryetarit të Shtetit Ali Abdullah Salih…
Nëpër komentet e bëra thuhet se në Jemen, vend i kërcënuar nga
përçarja për shkak të sekteve dhe fiseve, është vështirë që të gjitha
palët të takohen në një teren të përbashkët i cili do ti lërë të kënaqur
të gjithë.
(TRT)