Arrestohet Ratko Mlladic

Agjencia Informative e Sigurisë e Serbisë ka arrestuar para pesë orësh Ratko Mlladicin, pohon e përditshmja e Beogradit “Blic”. Mlladiq u arrestuar në Serbi dhe shfrytëzonte dokumente false me emrin Millorad Komadiq.

Pas arrestimit u bë analiza e ADN-së për vërtetimin e identitetit. Presidenti i Serbisë, Boris Tadic, do t’i drejtohet medieve rreth këtij rasti në orën 13. Tash për tash, nuk është saktësuar se në cilin lokacion u arrestuar Mlladici.

Momentalisht ai ndodhet në lokalet e BIA-s në Banjicë afër Beogradit. Sot në Beograd arrin Përfaqësuesja e Lartë për Politikë të Jashtme dhe Siguri e Bashkimit Evropian, Catherine Ashton. Sipas medieve të Beogradit, ajo me zyrtarët serbë do të bisedojë rreth aderimit në Bashkimin Evropian.

Ndër kushte përmendet bashkëpunimi me Tribunalin e Hagës, që vetëkupton kapjen e Ratko Mlladicit dhe të Goran Haxhicit, që Haga i akuzon për krime lufte. Boris Tadic konfirmon arrestimin Mlladic “Sot kemi përfunduar një periudhë të vështirë të historisë sonë, kemi pastruar emrin tonë dhe të të gjithë serbëve kudo që janë ata”, tha Tadic.

Sipas tij operacioni i kërkimit dhe arrestimit tregoi se shërbimet serbe të sigurisë e bënë Serbinë një vend më të sigurtë dhe se shteti ligjor atje funksion. “Kapja e Mlladic rrit besueshmërinë morale në botë të Serbisë.Jam krenar për këtë operacion dhe uroj e përgëzoj të gjithë ata që u përfshinë. Arrestimi i Mlladic u krye ne Serbi”, tha Tadic.