Kryeministri Rexhep Tajip Erdoan tha se vendet e zhvilluara janë duke injoruar urinë dhe varfërinë që jetohet në Afrikë.
Ndërsa bëri të ditur se problemet që jetohen në botë rrjedhin nga llogaritë e kolonizimit dhe interesit të vendeve të zhvilluara, Kryeministri Erdoan tha: “Më nuk mund të vazhdojë ky rregullim i zi në të cilin mbretëron forca dhe pasioni”.
Në fjalën e tij të mbajtur me rastin e fillimit të vitit të ri akademik të Universitetit të Stambollit, Kryeministri Erdoan kritikoi ashpër botëkuptimin e kolonizimit të vendeve të fuqishme.
Duke theksuar që Franca, Anglia dhe Italia me vite kolonizuan Afrikën, Erdoan nënvizoi se këto vende edhe sot bëjnë llogari të njëjta.
Erdoan gjithashtu tha se këto vende nuk kanë ndonjë interes për tu hapur rrugë popujve të Afrikës për demokraci.
Kryeministri Erdoan drejtoi edhe një sërë kritikash ndaj Kombeve të Bashkuara duke filluar prej aplikimit të standardeve të dyfishta.
“Organizata e Kombeve të Bashkuara përbëhet prej 193 anëtarëve ndërsa vendet përcaktuese janë vetëm 5 anëtarët e përhershëm të Këshillit të Sigurimit të OKB-së, fati i të gjithëve është në duart e tyre, Kombet e Bashkuara a mund të jenë të drejta në këtë mënyrë?”, u shpreh Kryeministri Erdoan.
Erdoan theksoi se Këshilli i Sigurimit i OKB-së nuk iu përmbajt 89 rezolutave për sanksione që mori ndaj një vendi ndërsa ndaj Sudanit u vënë sanksionet menjëherë.
Kryeministri tha që sikur sanksionet dhe presionet e Kombeve të Bashkuara, që zbatohen ndaj Iranit, të zbatohen edhe ndaj Izraelit, problemi Izrael-Palestinë do të zgjidhej menjëherë.
(TRT)
Thu 23 Mar 2023 - 2:31 nga 
