Admin
Administrator
Numri i postimeve : 8520
Data e regjistrimit : 02/07/2009
Mosha : 42
Nacionaliteti-Sheti : Tetovë-Maqedoni
 | Titulli: Greqi Padi kundër ndërtimit të xhamisë në Athinë  Wed 18 Jan 2012 - 9:12 | |
|  Disa qytetarë grek kanë ngritur një padi për të anuluar dekretin qeveritar për ndërtimin e një xhamie zyrtare në kryeqytetin grek, Athinë. Sipas paditësve, të cilët udhëhiqen nga mitropoliti Serafim, i njohur për prirjet e tij anti islame, kushtet ekonomike të Greqisë, nuk janë të përshtatshme për ndërtimin e një xhamie.
Në një deklaratë, ata janë shprehur se ndërtimi i një xhamie, do të çojë në një seri ngjarjesh të cilat do e dëmtojnë kohezionin e kombit grek, ku popullata do të jetë e detyruar të dëgjojë ezanin pesë herë në ditë. Shumë qytetarë mund të pyesin nëse jetojnë në Greqi apo në një vend tjetër.
Sipas deklaratës, ndërtimi i xhamisë shkel parimin e barazisë, pasi minoritetet në Greqi, duhet tu dërgojnë kërkesën autoriteteve përkatëse për të marrë leje për ndërtimin e objekteve të kultit. Sakaq, në rastin e xhamisë, është qeveria greke ajo që ka vendosur ndërtimin dhe funksionimin e xhamisë, pa asnjë kërkesë nga myslimanët.
Qëndrimi i kishës
Sekretari i përgjithshëm i feve pranë ministrisë së arsimit, Jorgo Kalatzis, ka deklaruar se qëndrimi i mitropolitit Serafim, nuk shpreh dhe qëndrimin e kishës greke. Ai solli ndërmend faktin se kisha greke ka dhuruar dy trualle për ndërtimin e xhamisë dhe një varreze për myslimanët, që nga koha e kryepeshkopit Kristodulos.
Kalatzis tha për Alxhazira se për shumë vepra publike janë ngritur padi në gjykatë, gjë e cila nuk është e çuditishme për një vend demokratik. Ai tha se projekti i muzeut të Akropolit, është shtyrë për disa vite për të njëjtin shkak. Ai tha se padia e fundit mund të bëhet shkak edhe për shtyrjen e fillimit të ndërtimit të xhamisë.
Sakaq, kreu i forumit të emigrantëve në Greqi, Muavije Ahmed, deklaroi për Alxhaziran se padia kundër ndërtimit të xhamisë konfirmon dhe një herë se kjo çështje është kthyer në politike, ku parti të ndryshme kanë mendime të ndryshme. Sipas tij, ajo nuk do të zgjidhet asnjëherë nëpërmjet gjykatave, por me një vendim politik.
Ahmed vuri në dukje ngjashmërinë e padisë kundër ndërtimit të xhamisë, me kundërshtimin e një personi tjetër për projekt-ligjin e dhënies së nënshtetësisë të huajve, i miratuar nga qeveria e mëparshme socialiste. Në parim kundërshtimi është pranuar dhe pritet vendimi përfundimtar i gjykatës së lartë administrative, e c ila punon shumë ngadalë.
Kreu i forumit të emigrantëve, pajtohet me Kalatzis, lidhur me faktin se zvarritja e shumë projekteve të mëdha në vend, është një fenomen i njohur në Greqi. Ai shtoi se çështjet dhe shqetësimet e emigrantëve të huaj në vend, janë shndërruar në konflikte mes partive të djathta dhe të majta. Megjithatë, ai tha se padia në fjalë kundër ndërtimit të xhamisë, nuk do të mund ta anulojë ndërtimin e saj.
Lidhur me përqindjen e myslimanëve në Athinë nuk ekziston asnjë studim zyrtar, megjithatë ata numërohen me dhjetëra mijëra emigrantë arabë, aziatikë dhe të tjerë. Në Athinë jetojnë dhe disa mijëra myslimanë nga Trakia, e cila ndodhet në veri të Greqisë.
(AO) | |
|
