Djali e Rrah Nënën

Djali e Rrah Nënën

nga Qazim Hasanaj Suharekë Shkurt 10, 2012 11:02
Megjithëse para 13 vitesh e kishte lënë burri, H. K. qëndroi në shtëpinë e përbashkët, në Grejkoc të Suharekës, për t’i rritur fëmijët. Por, djali i saj, tashmë i rritur ia ktheu me dajak; u largua nga ai dhe shkoi të jetojë te vëllai i saj, por vazhdoi të marrë kërcënime në telefon. U detyrua që ta paraqesë në polici dhe në gjykatë. Kjo e fundit ka vendosur që D.K. nuk guxon t’i afrohet nënës së tij.

H. K. nga Papazi i Suharekës ishte martuar para 22 vitesh. Nga ajo martesa, lindi tre fëmijë, në mesin e tyre edhe të pandehurin D.K. Para 13 vitesh, bashkëshorti i deriatëhershëm i saj krijoi bashkësi tjetër jashtëmartesore, por ajo vendosi që të qëndrojë në shtëpinë e tyre të përbashkët dhe të kujdeset për fëmijët.

Mirëpo, ky kujdes i është kthyer me dhunë psikike dhe fizike nga prindërit e burrit dhe vetë djali i tij, për të cilën thotë se u sakrifikua për t’u përkujdesur.

“Çdo moment më kanë sulmuar prindërit e bashkëshortit tim, në mënyra psikike dhe fizike. Por kam qëndruar, duke menduar që kur të rritet djali do të kujdeset për mua...Por edhe ai ka vazhduar me dhunë psikike dhe fizike, duke me sulmuar fizikisht çdo ditë”, rrëfen H. K., për Gazetën JnK.

Hera e fundit që e sulmoi fizikisht djali i saj ishte më 31 maj 2011. Ajo vendosi ta paraqesë rastin në polici, ndërsa vetë shkoi të jetojë te vëllai i saj, pasi jeta këti iu bë e padurueshme.

“Edhe pse jam duke jetuar te vëllai im, rregullisht kam kërcënime përmes telefonit nga djali im dhe e ndiej veten në rrezik prej tij”, tha H. K.

Pas sulmeve fizike dhe psikike nga djali i saj, viktima ka bërë kërkesë për urdhër mbrojtjeje në Gjykatën Komunale në Suharekë. Kërkesa u shqyrtua këtë të enjte nga gjykatësi Shaban Zeqiraj, i cili pas shumë përpjekjeve për t’i afruar qëndrimet, arriti që të bëjë pajtim gjyqësor, me të cilën i pandehuri, djali i viktimës, urdhërohet që nënën e tij të mos e kërcënojë më në telefon, apo në ndonjë mënyrë tjetër; nuk guxon të përdor dhunë psikike dhe fizike ndaj saj; detyrohet që nënës së tij, në rrugë, apo diku tjetër si dhe shtëpisë ku nëna e tij jeton, të mos i afrohet më shumë se 100 metra. Në të kundërtën, ai do të thirret në përgjegjësi penale.

“Nuk kam menduar kurrë, që pas shumë vështirësive ta rrisë djalin, ai do të ma kthej me dajak”, tha H.K., me lot në sy, pas arritjes së këtij pajtimi gjyqësor.

Eselamu Alejkum
Eshte me te vertete teper habitese, fakti qe si mundet nje femije ta rrah nenen e tij! Ai femij ka humbur ndenjat sipas meje, sepse nese posedon ndenja shume shume pak do te kishte pieta ndaj nenes se tij. T'i vella Allahu te meshirone per keto postime qe na ofrone. Mrpo une i kisha lutur gjithe anetaret e forumit qe t'i denojne edhe ate ashper keto raste ne menyre qe te mos perseriten kurre.
Wealejkum selam