Pas ngritjes së profetit Isa a.s ne qiell, bota ishte në kaos. Kudo kishte idhujtari. Moralet dhe vlerat kishin humbur. Në një hadith profetik thuhet se kjo është periudha më e keqe dhe më e zezë në historinë e njerëzimit. Në rruzullin tokësor nuk gjendej asnjë musliman. Dhe Allahu azze ve xhel për këtë arsye dërgoi në tokë mëshirë, duke sjellë në jetë “krenarinë e njerëzimit”, profetin Muhammed a.s.
Qëllimi i ardhjes së tij ishte pastrimi I idhujtarisë nga rruzulli tokësor, ngritja e moraleve të larta dhe risjelljen e mesazhit se “nuk ka zot tjetër përveç AllahuT” I cili është Një dhe I Vetëm.
Gjatë gjithë jetës, si para profetësisë ashtu edhe gjatë profetësisë, ai u dallua për morale dhe cilësi të larta. Allahu xh.sh thotë në Kur`anin Famëlartë; “Me të vërtetë, ti ( o Muhammed) ke morale të larta”.
Meqë shpalljet hyjnore të mëparshme ishin ndryshuar, Allahu xh.sh zbriti librin e fundit hyjnor, Kur`anin Fisnik. Për 23 vjet me radhë Kur`ani I zbriti profetit Muhammed s.a.u.s nga meleku fisnik, Xhibrili a.s. Kjo shpallje e fundit hyjnore kishte nevojë për një shpjegim më preciz, pasi Kur`ani ishte libri I fundit hyjnor dhe nuk do kishte më libër tjetër hyjnor pas tij. Rolin e këtij shpjeguesi e bëri Sunneti, tradita e profetit Muhammed a.s, thënie dhe mësime që I kishte të inspiruara nga Allahu, siç e thotë Allahu në Kur`an;
“Ai nuk flet me hamendje. Ajo nuk është tjetër vetëm se shpallje që shpallet .” ( suretu En-Nexhm; 3-4).
“Çkado që ju jep Pejgamberi merreni, e çka t`ju ndalojë, përmbaheni (largoheni) prej saj.”(suretul Hashr; 7).
Profeti e përfundoi misionin e tij, e shpalli të vërtetën nga Zoti I Tij dhe e ndau atë nga e kota, kështu që fundi I tij po vinte shumë shpejt!
Profeti përsa ishte gjallë, ishte shembulli ideal për çdo individ në çdo fushë të jetës.


Allahu subhanehu ëe teal thotë në Kur`anin Fisnik; “Pejgamberi I Allahut është shembull I mrekullueshëm, për atë që shpreson mëshirën e Allahut në botën tjetër.” (suretu en-nisa; 59).
Profeti ndëroi jetë!!! çfarë do të ndodhte me muslimanët vallë?! A do ishin sërish të bashkuar si më parë?! Këto pyetje mund t`I bien kujtdo në mendje! Profeti ndërroi jetë, por ama, ai na la diçka me të cilën mund të gjykojmë dhe të jetojmë, e ato janë siç e thotë profeti Muhammed s.a.u.s edhe në një hadith; “Iu kam lënë pas Kur`anin dhe Sunnetin, andaj përmbahuni atyre.”
Pra, muslimanët kishin dy pika referimi bazë; Kur`anin dhe Sunnetin.
Allahu e bëri profetin Muhammed s.a.u.s më të dashurin e Tij.
“ Thuaj; nëse e doni Allahun, pasomëni, që Allahu do t`ju dojë dhe do t`ua falë mëkatet.” (sure Ali Imran; 31).
Vëllau im! Allahu e nderoi “krenarinë e njerëzimit”, Muhammedin a.s më shumë se çdo krijesë tjetër.
Po ti vallë, sa e do atë?! Kur fyhet personaliteti I tij, çfarë bën ti?!
Je I kënaqur me këtë gjë apo e kundërshton atë?!

Vëllau im! Rruga e profetit është rruga e vetme e drejtë, siç e thotë ai a.s në një hadith nga Buhariu ku Ebu Hurejra r.a transmeton se I dërguari I AllahuT s.a.u.s ka thënë; “Krejt ummeti im do të hyjë në Xhennet, përveç atij që nuk do.” I thanë; “E kush nuk do, o I dërguari I AllahuT?”
Tha; “Kush ndjek rrugën time, ai do të hyjë në Xhennet, ndërsa kush nuk e ndjek atë, ai nuk do.”
A e do Xhennetin ti, o vëllai im?! Po, vallë,a po e ndjek këtë porosi të profetit tonë të dashur?!
A po I ndjek gjurmët e tij?! Le t`ia bëjë çdokush këto pyetje vetes.
Dije vëllau im dhe ti, motra ime se një nga rrugët themelore të Xhennetit është Sunneti. Nëqoftëse nuk e ndjek atë, ke probleme. I nderuar vëlla! Jemi në kohë El-Hamdulilah!
Le t`I kthehemi jetës dhe veprës së këtij kolosi botëror që ndonjë tjetër si ky, nuk ka parë ndonjëherë bota. Duaje atë dhe ndiq udhën e tij që të jesh prej të shpëtuarve, dhe padyshim që gjithçka është në dorë të AllahuT të Madhëruar. Respektoje profetin sepse njëkohësisht ke respektuar edhe Allahun, siç e thotë edhe Allahu në një ajet Kur`anon;
“Kush e respekton Pejgamberin, e ka respektuar edhe Allahun.”
“Kush i bindet AllahuT dhe të dërguarit, me të ka fituar një fitore të madhe ( Xhennetin).

”