Si të jetë agjërimi i saktë?

Agjëruesi duhet të jetë i qetë, gjakftohtë e i sjellshëm. Duhet ta ruaj gjuhën e tij, ashtu siç i ruan veshët dhe sytë e tij, dhe tërë organet e trupit të tij:

“Ndoshta ai që agjëron nuk përfiton asgjë prej agjërimit të tij vetëm urinë”

Që mos të jetë agjërimi yt vetëm agjërim i barkut dhe i ndërprerjeve të marrëdhënieve intime, ndërsa gjuha jote nuk agjëron, sytë e tu nuk agjërojnë, veshët e tu nuk agjërojnë, gjymtyrët e tua nuk agjërojnë.

Syri yt nuk agjëron duke shikuar në haram; gjuha jote nuk agjëron nga gënjeshtra, përgojimi, llomotitja, tallja e përqeshja apo prej marrëzive; veshi yt nuk agjëron nga dëgjimi i muzikave boshe (që s’kanë dobi) dhe dëgjimit të fjalëve fyese.

" ... Nëse ndonjëri prej jush agjëron mos të bëjë ndonjë punë të pahijshme e as mos të bërtasë, e nëse dikush e shan (apo ngacmohet) apo dëshiron të rrihet, le të thotë: unë jam njeri që agjëroj " .

Që Allahu xh.sh. të jetë i kënaqur.
Vetëm për hir të Tij, njeriu i le të gjitha ato gjëra që ia dëshiron vetja e tij.

Muaji i Ramazanit, muaj në të cilin Allahu xh.sh. na ka mundësuar që të pastrohemi në të, të pastrohemi nga të këqijat tona dhe të furnizohemi me të mira.

Dhe thërret një thirrës:

- O ti që je i prirur për të bërë të mira, afrohu.
- O ti që je i prirur për të bërë të këqija, zmbrapsu .

─ Përgaditi: Bujamin SALIJA