Një person ka qëlluar për vdekje dy zjarrfikës, dhe ka plagosur dy të tjerë në Webster, qytet i vogël pranë Nju Jorkut. Katër zjarrfikës erdhën në vendin e ngjarjes pasi vrasësi i kishte lajmëruar për një zjarr. Zyrtarët thanë se “ai kishte vënë në kurth” zjarrfikësit, duke ia vënë zjarrin qëllimisht shtëpive të fqinjëve.

62-vjeçari krimin e kreu me revole, i cili më pas vrau veten. Ai u gjet fajtor për vrasje dhe u burgos me 17 vjet për vdekjen e gjyshes së tij në vitin 1980.

Ngjarja ka ndodhur pak para orës 06:00 sipas kohës lokale (11:00 GMT).

"Zjarrfikësit i janë përgjigjur ftesës, ndërsa kur ata erdhën në vendin e ngjarjes, u qëlluan nga ai," tha shefi i policisë Gerald Pickering një konferencë për shtyp.

"Katër nga zjarrfikësit u qëlluan. Dy janë të vdekur, dy u transportuan në spitalet e zonës," tha ai.

Incidenti ndez edhe më tutje debatin në Shtetet e Bashkuara rreth kontrollit të armëve, dhe vjen vetëm 10 ditë pas të shtënave në një shkollë fillore në Newtown, Connecticut, në të cilën 20 fëmijë, të moshës gjashtë dhe shtatë vjeç u vranë.

SHBA ka pësuar një rritje të dhunës me armë gjatë tre dekadave të fundit, duke përfshirë 62 incidente masive me të shtëna armësh, që nga viti 1982.

Mesazhi/A.Avdiu-Hoxha