_47653980_olmertap226b.jpg)
"Nëse unë do të isha tani kryeministër, do ti kisha kërkuar ndjesë Erdoganit dhe popullit turk, për shkak se shumë civilë humbën jetën e tyre," tha ish kryeministri izraelit Ehud Olmert, duke folur në një konferencë në Tel Aviv.
Ish-kryeministri izraelit ka sugjeruar se ai do të kishte kërkuar ndjesë ndaj Turqisë për vrasjen e nëntë turqve gjatë një bastisjeje në anijen Mavi Marmara që transportonte ndihma humanitare në Gaza.
Olmert tha se po të ishte Benjamin Netanyahu, ai do të kishte kontaktuar qeverinë turke dy ditë pas incidentit dhe do të kishte biseduar me të rreth situatës. Olmert akuzohet për marrje ryshfeti, kur ai ishte kryebashkiaku i Jeruzalemit
Marrëdhëniet Turko-Izraelite u dëmtuan rëndë, pasi komandot izraelite sulmuan anijen detare Mavi Marmara në Mesdheun Lindor, pasi anija ishte në përpjekje për të thyer embargon e imponuar nga Izraeli.
Tetë shtetas turq dhe një turko amerikanë u vranë gjatë bastisjes. Turqia vazhdon të kërkojë kompensim për familjet e viktimave. Izraeli ka shprehur keqardhje vetëm mbi vrasjet.
Vrasja e aktivistëve humanitar turq dëmtoi edhe më tej marrëdhëniet delikate mes Turqisë dhe Izraelit, duke qenë se Turqia, sidomos prej se Erdogan është kryeministër, mbron me ngulm të drejtën Palestineze.
Mesazhi/A.Avdiu-Hoxha
Thu 23 Mar 2023 - 2:31 nga 
