Grupi palestinez për të drejtat e njeriut i ka bërë thirrje BE-së që të sanksionoj me bllokimin e mallrave të prodhuara në vendbanimet e paligjshme izraelite.

“Bashkimi Evropian duhet të vendosë një ndalim të plotë për produktet izraelite që hyjnë në tregjet e Evropës, dhe të sigurohet që kompanitë izraelite që operojnë në territoret e pushtuara palestineze nuk përfitojnë nga marrëveshjet e tregtisë”, thuhet në një raport të Grupit për të Drejtat e Njeriut.

Bojkoti i mallrave duhet të bëhet pasi vendbanimet izraelite janë të paligjshme sipas ligjit ndërkombëtar, dhe se këto vendbanime në mënyrë aktive janë duke u mohuar palestinezëve të drejtën për vetëvendosje, dhe po nxisin shkatërrimin dhe përdorimin e paligjshëm të resurseve lokale, duke përfshirë burimet ujore.

Sipas raporteve, importet e produkteve të BE-së do të ndihmojnë për të mbajtur ekzistencën e tyre edhe më shumë.

BE- Partneri tregtar besnik

BE-ja është partneri më i madh tregtar i Izraelit. Në vitin 2011, tregtia e përgjithshme në mes të dy palëve ka arritur pothuajse 20 miliard euro. Izraeli importon rreth 35 për qind e produkteve të saj nga BE, ndërsa më shumë se 26 për qind e prodhimeve izraelite eksportohen në tregjet evropiane.

BE-ja aktualisht importon rreth 15 herë më shumë nga vendbanimet izraelite se nga palestinezët.

Sot, rreth 500.000 hebrenj-izraelitë jetojnë në vendbanime të paligjshme mbi vijën e gjelbër kufi ky i njohur ndërkombëtarisht.

Në vitin 2005, qindra grupe të shoqërisë civile palestineze nisën,bojkotin dhe sanksionet ndaj mallrave izraelite, me qëllim që të detyroj Izraelin të respektojë ligjin ndërkombëtar, rezolutat e OKB dhe të drejtat themelore të palestinezëve.

/mesazhi/