Rrjeti Evropian Kundër Racizmit ENAR, i cili nën ombrellën e vet përfshin disa organizata joqeveritare në shumë vende evropiane, të mërkurën ka publikuar një raport të titulluar "Racizmi në Evropë."

Në këtë raport, janë publikuar analizat e situatës në 26 vendet evropiane në periudhën 2011-2012. Analizat tregojnë rritjen e konsiderueshme të ngjarjeve shoqërore dhe politike që ndikojnë negativisht te muslimanët. Analizat e ENAR tregojnë se islamofobia në Evropë është ende e pranishme, dhe se paragjykimet ndaj muslimanëve janë më të theksuara në krahasim me pjesëtarët e pakicave tjera fetare dhe etnike. "Muslimanët janë të diskriminuar në veçanti në fushën e punësimit, arsimit dhe në shërbime. Femrat muslimane janë më të prekura nga diskriminimi, në fushën e punësimit dhe atë të arsimimit. Ato, për shkak të besim dhe gjinisë – i janë ekspozuar diskriminimit të dyfishtë", shkruan në raportin e ENAR, në të cilën gjithashtu thuhet se femrat muslimane më së shpeshti diskriminohen për shkak të veshjes. Anketat e kryera në Irlandë tregojnë se çdo i treti i anketuar në këtë vend është bindur në qëndrimet "anti-muslimane", dhe se femrat, në krahasim me meshkujt, dy herë më shumë përjetojnë diskriminimin. ENAR në raportin e tij, gjithashtu, thotë se fëmijët e muslimanëve në Gjermani, në veçanti vajzat e mbuluara, vuajnë diskriminimin nga mësuesit apo profesorët. 85 për qind të rasteve të islamofobisë në Francë kishin cak gjininë femrore. Në Francë, janë shënuar raste të tilla kur mjekët dhe punëtorët e kujdesit shëndetësor refuzojnë t’i kontrollojnë meshkujt me mjekra apo gruatë embuluara. Rrjeti evropian kundër racizmit, në raportin e tij të ri, ka komentuar edhe marrëdhëniet e mediave ndaj islamofobisë. Raporti thotë se 51 për qind e rasteve të diskriminimit kundër muslimanëve në Belgjikë, gjatë vitit 2011, janë të lidhura me mediat. Shumica e deklaratave raciste të internetit dhe rrjeteve shoqërore në Holandë kanë karakter islamofobik.[justify]