Ish i dërguari i OKB-së për Lindjen e Mesme Kofi Anan thotë se është tepër vonë për ndërhyrje ushtarake në Siri dhe armatosja e armiqve të Bashar al-Asad nuk do të përfundojë krizën dy-vjeçare.

Anan, i cili dha dorëheqjen në gusht duke fajësuar Këshillin e Sigurimit të Kombeve të Bashkuara për bllokimin në ndërmjetësimin e tij, bëri thirrje për një zgjidhje politike të bazuar në një marrëveshje të arritur nga fuqitë botërore në Gjenevë gjatë qershorit të viti të kaluar.

"Unë nuk shoh një ndërhyrje ushtarake në Siri. Ne jemi shumë vonë. Unë nuk jam i sigurt nëse do të bënim më shumë dëm apo dobi," tha ai për Institutin e Gjenevës. "Militarizimi i mëtejshëm i konfliktit, nuk është mënyrë për të ndihmuar popullin sirian. "

Ndërkohë Franca dhe Britania i kanë bërë thirrje Bashkimit Evropian për të lehtësuar embargon e armëve në Siri, në mënyrë që opozita të mund të marr më shumë armë.

Pasardhësi i Ananit, Lakhdar Brahimi, ka ndjekur planin e Gjenevës, por ka dështuar për të mbushur boshllëqet midis Shteteve të Bashkuara dhe Rusisë, që reziston kërkesat perëndimore për heqjen e Asadit.

Marrëveshja me ministrat e jashtëm të pesë anëtarëve të përhershëm të Këshillit të Sigurimit bëri thirrje për një qeveri kalimtare në Siri, gjë e cila nuk u realizua me pengesën e Rusisë.

Kombet e Bashkuara vlerësojnë se më shumë se 70.000 njerëz janë vrarë në Siri, një shifër që Anan e ka quajtur "një nën-vlerësim".

/mesazhi/