Pritja e muajit të Ramazanit[HUDBE]

Falënderimi i takon Allahut xh.sh. i cili me dritën e librit të Tij e ndriçoi errësirën e kësaj bote, dhe me të i udhëzoi zemrat e humbura dhe i bëri të qeta dhe të denja në shpirtrat e besimtarëve të vërtetë. Salavatet dhe selamet me të sinqerta qofshin mbi atë që është dërguar si mëshirë për të gjitha botët, fjalët dhe veprat e të cilit janë model për në këtë botë kalimtare. Paqja dhe bekimi qofshin mbi familjen e tij të ndershme dhe shokët e tij besnik, por edhe për të gjithë ata që ecin në rrugën e tyre, e ngjallin Islamin dhe i udhëzojnë të tjerët drejtë Udhëzimit deri në Ditën e Gjykimit.

O besimtarë, të cilëve All-llahu xh.sh. ju thërret në Kur'ani Kerim, ta dini se All-llahu u ka përshkruar shumëllojshmërinë r adhurimit përmes të cilit ne duhet ta falënderojmë, ta lavdërojmë dhe ta madhërojmë ashtu si e meriton vetëm Ai. Njëri prej ibadeteve të cilin Allahu xh.sh. na ka përshkruar, e i cili po na vjen është agjërimi i muajit të Ramazanit. Prej kësaj dite e deri te Ramazani na ndajnë vetëm katër ditë. Po na vjen një mysafir aq i rëndësishëm, i bukur dhe i dashur për të gjithë. Ne e dimë se do të vijë dhe do të jetë në shtëpitë tona për një muaj. A jemi të përgatitur për ta mirëpritur? Si do ta respektojmë? Çfarë atmosfere do të kemi në shtëpitë tona? A do të ndihet këndshëm mysafiri ynë i dashur në mesin tonë? Athu po gëzohemi për ardhjen e mysafirit tonë të dashur, a po ndjejmë dashuri dhe respekt ndaj tij? A do ta presim me pakujdesi, me nënçmim dhe duke shkatërruar vlerat e shenjtërisë së tij, apo do ta takojmë me respektin që i takon? A do takojmë atë me dembeli, në lojë dhe në argëtim, apo në gatishmëri, angazhim në vepra të mira, dhe të gjitha llojet e përkuljes? A do takojmë atë si të pa dëshirueshëm, të pa disponuar te brengosur dhe në ankth, apo do ta takojmë atë të lumtur, me zemra të gëzueshme dhe shpresa të mëdha në Allahun subhanehu ve teala, në falje dhe në mëshirë?
Ka nga besimtarët të cilët me padurim e presin muajin e Ramazanit, të cilët dëshirojnë t’i agjërojnë ditët e tij, kurse netët t’i ringjallin me adhurim. Ata e dinë se Ramazani është sezoni më i volitshëm për arritjen e sevapeve dhe shpërblimeve te Allahu xh.sh. Ata janë si tregtarët, të cilët janë të vetëdijshëm për biznesin fitimprurës në këtë muaj. Është normale që ç’do tregtar nuk mund të jetë i suksesshëm në qoftë se punon vetëm një muaj, ashtu edhe besimtarët e vërtetë punojnë gjatë gjithë vitit, e kur të vijë muaji i Ramazanit, atëherë ata i dyfishojnë përpjekjet dhe angazhimet tyre .
Përkrah këtyre që i cekëm më lartë, ka edhe të tillë që nuk i gëzohen muajit të Ramazanit, sidomos jo tani, kur Ramazani vjen në kohën e verës, në ditët e gjata, netët e shkurtra për gjumë, do t’ia prish planifikimet për pushime etj. Ka edhe nga ata të cilët ditët e Ramazanit i zëvendësojnë me netët, kështu që tërë ditën e kalojnë duke fjetur, kurse natën e kalojnë duke u zbavitur, argëtuar dhe me muhabete të ndryshme të kota. Ramazani nuk është bërë obligim për këtë arsye. Jo për shkak të lojërave dhe argëtimeve . Jo për shkak të ushqimit dhe pijeve. Ramazani është bërë obligim për të na pastruar shpirtërisht, për të na ngritur tek Allahu xh.sh., të jemi të vetëdijshëm për Allahun xh.sh. dhe përmes agjërimit ta fitojmë mëshirën e Allahut xh.sh.
Të dashur vëllezër, t’i lutemi Allahut xh.sh. me lutje, me të cilën të parët tanë të ndershëm iu drejtuan All-llahut xh.sh., kur afrohej muaji i Ramazanit, duke thënë:
"O Allah, na është afruar muaji i Ramazanit, na e bënë të mundur që ta presim. Na dorëzo atë neve dhe neve na dorëzo atij. Na dhuro agjërimin dhe namazin e natës. Në të, na dhuro të mira, qëndrueshmëri, angazhim dhe aktivitete. Na ruaj neve në të prej përçarjes"
Paraardhësit tanë të nderuar ishin të vetëdijshëm për vlerën e muajit të Ramazanit dhe ishin ashtu siç i përshkruan një poet: "Të përkushtuar ose të përqendruar në ibadet – adhurim natën dhe kalorës ditën"
Ata i luteshin All-llahut xh.sh. gjashtë muaj para ardhjes së muajit të Ramazanit që Allahu xh.sh. t’ua mundëson ta presin atë, dhe gjashtë muaj pas Ramazanit i luteshin Allahut xh.sh. që t’ua ketë pranuar muajin e Ramazanit.
Nëse vërtetë besojnë në vlerat dhe shenjtërinë e këtij muaji, dhe se ai sjell me vete shumë përfitime dhe vlera, atëherë ne duhet të presim si në vijim:
1. Me gëzim të madh dhe hare të plotë, duke falënderuar All-llahun xh.sh., i cili na dhuroi këtë mirësi të madhe dhe na bëri të mundur ta mirëpresim atë.
2. Duke iu drejtuar të Gjithëmëshirshmit me lutje që të na bëjë të mundur që sinqerisht ta përjetojmë agjërimin e tij, që adhurimet në të janë mënyra dhe mjeti që të bëhemi më vigjilentë dhe të palëkundur në besimin e Allahut xh.sh.
3. Shpirtërisht të qetësuar dhe të kënaqur, duke pretenduar që të bëjmë sa më shumë vepra të mira, dhe të konkurrojmë – bëjmë gara në mes veti për arritjen e sevapeve sa më të mëdha dhe largimin nga punët e ndaluara dhe të gjykuara dhe në këtë mënyrë ta fitojmë kënaqësinë e Allahut xh.sh. dhe gradat më të larta të Xhennetit.
4. Duke i pastruar zemrat tona nga urrejtja, zilia dhe sëmundjet tjera duke kuptuar përmasat e gabimeve dhe të metave, dhe duke bërë një pendim të sinqertë dhe të plotë të nga të gjitha llojet e mëkateve. Sepse mëkatet janë shkaktare që zemra mëkatarit të bëhet e ngurtë dhe mizore, në qoftë se nuk pendohet, ajo sëmuret dhe i dobësohet fuqia - pushteti i saj. Atëherë drita e imanit të tij gradualisht fiket, humb turpi dhe arsyeja korrekte, i zvogëlohen përfitimet e tij, kurse i rriten sprovat, aksidentet, poshtërimi dhe shkatërrimi. I ndërpritet drita e diturisë së vërtetë dhe fuqia e përuljes së vërtetë, e kjo është e gjithë arsyeja për të fituar zemërimin dhe dënimin e Allahut xh.sh. në këtë dhe në botën tjetër, arsyeja për arritjen e mallkimit, dhe një nga shkaqet më të mëdha të trazirave në Tokë.
5. Nga gjërat më të rëndësishme me rastin e pritjes së këtij muaji janë edhe: - të fitojmë njohuri dhe të kuptuarit e rregullave të fikhut që lidhen me agjërimin,
- Praktikat e rrugës së Muhamedit a.s. gjatë Ramazanit.
Është më se e nevojshme që muslimani të mësojë kushtet e agjërimit, vaxhibet, Sunnetet dhe gjërat që e prishin agjërimin, çka është e lejuar dhe çka është e ndaluar për agjëruesin të veproi, rregullat lidhur me personat të cilët janë të liruar nga agjërimi, rregullat lidhur me sadekatul - fitrin dhe të gjitha rregullat tjera të lidhura me muajin e Ramazanit. Në Islam ekziston një rregull: "Së pari duhet ta mësosh mirë një gjë përpara se të fillosh ta praktikosh." Allahu xh.sh.thotë: "Atëherë, dije se nuk ka zot tjetër pos All-llahut, kërko falje për mëkatin tënd, për të besimtarëve e të besimtareve, All-llahu e di për lëvizjet tuaja (për veprat) dhe për vendin tuaj.." (Muhamed 19). Pejgamberi s.a.v.s. ka thënë: "Kujt do që All-llahu xh.sh. ia dëshiron të mirën, ai mundëson që ti kupton rregullat e besimit." Muttefekun alejh.
6. Gjithashtu është e nevojshme që të përgatisim një program praktik dhe orarin e aktiviteteve ditore gjatë këtij muaji të bekuar për ta shfrytëzuar në mënyrën më adekuate kohën e tij të çmuar. T’ia bëjmë obligim vetvetes në, këtë muaj të Ramazanit, disa prej aktiviteteve siç janë: të lexuarit, të mësuarit dhe dëgjim të Kur'anit. Ta bëjmë së paku një hatme gjatë këtij muaj të bekuar. Ta lexojmë së paku ndonjë libra me tematikë islame. Të shkojmë rregullisht në xhami për t’u falur dhe për të dëgjuar Mukabele. Të largohemi nga të gjitha punët e kota, ta ruajmë shikimin, dëgjimin dhe gjuhën nga harami. Megjithatë, nëse ne shikojmë në gjendjen aktuale të botës islame, për keqardhjen tonë më të madh, do të vërejmë se shumica e muslimanëve nuk e lavdërojnë dhe nuk e kalojnë këtë muaj ashtu si kërkon nga ne All-llahu xh.sh., e as nuk presin atë në përputhje me rregullat e fesë sonë.
E lusim Allahun xh.sh. që të na pranoj agjërimin e muajit të Ramazanit dhe namazin e natës. Na jep forcë në të forcë, fuqi, vendosmëri, angazhim dhe aktivitet, dhe na ruaj në të nga përçarja! Amin.



Muderris Nezim Halilović
Përktheu:Esat Rexha