[Only admins are allowed to see this image]Motra ime muslimane, Allahu e ka obliguar agjërimin e Ramazanit që të mësohet muslimani me durim, forcë dhe qëndrueshmëri, Allahu i Lartësuar thotë: “O ju që besuat, agjërimi u është bërë obligim sikurse që ishte obligim edhe i atyre që ishin para jush, kështu që të bëheni të devotshëm.” (El-Bekare: 183)
Janë pyetur disa prej selefëve: Përse është obliguar agjërimi? Kanë thënë: “Që ta provojë i pasuri shijen e urisë, në mënyrë që mos t’i harrojë të varfërit.”
Ajo çfarë na shtynë për të na ardhur keq, është ajo çfarë ne shikojmë sot prej shpenzimeve e tepërta që i bëjnë shumë prej njerëzve në ushqim dhe pije në këtë muaj, saqë masa e ushqimit të cilën e përdoren çdo familje në Ramazan është më e madhe se në çdo muaj nga muajt e vitit.
Gjithashtu, femra e kalon shumicën e orëve të ditës në kuzhinë për përgatitjen e ushqimeve dhe pijeve të ndryshme.
-Kur lexon kjo motër Kur’an?
-Kur e përmend Allahun dhe kur i drejtohet Allahut me dua dhe istigfar?
-Kur i mëson rregullat e agjërimit dhe kijamit?
-Kur e gjen kohën për ibadet?
Kujdes, motër nga humbja e kohës në këtë muaj. Ka dështuar dhe ka humbur ai që e arrin Ramazanin dhe nuk i falen mëkatet.
I Dërguari i Allahut –paqja dhe shpëtimet e Zotit qofshin mbi të- thotë: “Njeriu nuk ka mbushur enë më të keqe se stomaku. Njeriut i mjaftojnë disa kafshata të cilat do t’ia mbajnë kurrizin drejt. E nëse veç duhet që ta plotësojë, një të tretën ta ndajë për ushqim, një të tretën për ujë dhe një të tretën për frymëmarrje.” (Ahmedi dhe Termidhiu)
Thu 23 Mar 2023 - 2:31 nga 
