nahda-giza-egypt.jpg)
Mbështetësit e presidentit egjiptian Muhamed Mursi do të mbajnë protesta para ambasadave të huaja, sidomos asaj amerikane, për të protestuar kundër dështimit për të dënuar grushtin ushtarak kundër presidentit të zgjedhur.
Aleanca Kombëtare për Mbrojtjen e Legjitimitetit, një koalicion i partive islame, njoftoi organizimin e pesë marshimeve të ndara në ambasadat e huaja në Kajro.
"Marshimi i parë do të jetë në Ambasadën Amerikane për të demaskuar rolin e ambasadës dhe të administratës amerikane në organizimin dhe mbështetjen e grusht shtetit ushtarak kundër demokracisë" thuhej në një deklaratë.
Aleanca tha se protestuesit do të marshojnë në ambasadat e tjera të huaja, por nuk përmendën ndonjë prej tyre.
"Protestuesve do tu tregohet vendi i ambasadës menjëherë para marshimit," tha një burim për agjencinë Anadolu.
Ushtria rrëzoi presidentin e parë të Egjiptit të zgjedhur në mënyrë demokratike, më 3 korrik. Mbështetësit e Mursit kanë mbajtur protesta masive nëpër kryeqytet dhe në mbarë vendin për të mbrojtur legjitimitetin e tij demokratik, duke kërkuar rivendosjen e tij në vendin që i takon.
Thu 23 Mar 2023 - 2:31 nga 
