![[Lajmet Ditore] Gjermania hap kapitullin për anëtarësim të Turqisë në BE (u181u)germany](https://2img.net/h/www.mesazhi.com/modules/news/images/option6/(u181u)germany.jpg)
Qeveria gjermane do të mbështesë hapjen e një kapitulli të ri në bisedimet e anëtarësimit të Turqisë në BE , raportuan mediat turke të dielën.
Kancelarja gjermane Angela Merkel dhe ministri i Jashtëm Guido Ëesterëelle janë dakorduar në mbështetjen e Gjermanisë përTurqinë, në mënyrë që të arrihet përparim në bisedimet e pranimit të Turqisë në BE.
Ministrat e BE-së kanë vendosur të takohen në Luksemburg në fillim të kësaj jave dhe hyrja e Turqisë në BE është ndër pikat kyçe në axhendën e tyre. Njëra nga cështjet kryesore do të jetë përcaktimi i një date për hapjen e kapitullit të ri të politikës në bisedimet e anëtarësimit të Turqisë, e që njihet si Kapitulli 22, apo kapitulli mbi Politikat Rajonale.
Ky është kaitulli i ri i cili hapet pas tri vitesh bllokim, dhe ka qenë konsideruar gjerësisht si një hap i rëndësishëm për të ringjallur procesin e ngecur të Turqisë për anëtarësim në BE . Një marrëveshje për hapjen e kapitullit jep " dritë jeshile " për të pastruar rrugën për një vendim pozitiv .
Si një vend kandidat , Turqia ka për të përfunduar me sukses negociatat në 35 kapitujt e politikës , të cilat parashikojnë reformat dhe adoptimin e standardeve evropiane, në fusha të ndryshme të politikave të saj për anëtarësim në BE . Që nga viti 2005, Turqia ka filluar negociatat për 13 kapituj. Asnjë kapitull i ri nuk është hapur në tre vitet e fundit, kryesisht për shkak të çështjes së Qipros dhe bllokimit nga ana e ish-presidentit francez Nicolas Sarkozy, i cili kundërshtoi anëtarësimin në BE të Turqisë. /mesazhi/
![[Lajmet Ditore] Gjermania hap kapitullin për anëtarësim të Turqisë në BE Empty](https://2img.net/i/fa/empty.gif)
Thu 23 Mar 2023 - 2:31 nga 
