![[Lajmet Ditore] Refugjatët palestinez po vdesin nga uria në Yarmouk (u130u)yarmouk](https://2img.net/h/www.mesazhi.com/modules/news/images/option6/(u130u)yarmouk.jpg)
Një grup monitorimi sirian ka dokumentuar vdekjen e 41 refugjatëve palestinez të vdekur në kampin Yarmouk, duke përfshirë gra dhe fëmijë, si rezultat i mungesës së ushqimit dhe medikamenteve mjekësore.
“Mungesa e ushqimit dhe medikamenteve mjekësore ka lënë të vdekur 41 persona në tre muajt e fundit në Yarmouk” në Damaskun jugor, e cila ka qenë nën rrethimin mbytës të ushtrisë, ka bërë të ditur Observatori Sirian për të Drejtat e Njeriut.
Sipas kësaj organizate me bazë në Britani, tre prej viktimave ishin fëmijë dhe 13 prej tyre gra. “Në mesin e të vdekurve ishte një fëmijë i cili kishte lindur pra një dite e që do të mund të mbijteonte nëse do të kishte pasur inkubatorë,” ka thënë Abdel-Rahman.
Yarmouk, lagje në periferi të Damaskut ishte kampi më i madh i refugjatëve palestinez në Siri, është shkatërruar nga lufta civile në Siri. Numri i banorëve në Yarmouk nga 250.000 ka rënë në 18.000 që nga fillimi i luftës./mesazhi/
![[Lajmet Ditore] Refugjatët palestinez po vdesin nga uria në Yarmouk Empty](https://2img.net/i/fa/empty.gif)
Thu 23 Mar 2023 - 2:31 nga 
