[Lajmet Ditore] Irak: Mijëra familje të zhvendosura nga dhuna në Anbar

Të paktën 42,000 familje janë zhvendosur nga dhuna e vazhdueshme në provincën Anbar, në pjesën perëndimore të Irakut, ka thënë një zyrtar lokal të martën. “Këshilli i provincës Anbar hartoi komitetet që mbulojnë të gjitha zonat që janë zhvilluar luftime dhe zonat e civilëve të zhvendosur në mënyrë që të përcaktojnë me saktësi numrin e familjeve që kanë lënë shtëpitë e tyre,” tha zëvendës kryetari i këshillit Faleh al-Essawi për Agjencinë Anadolu. “Shifra totale ka arritur në 42,000,” shtoi ai. Shumë familje, tha ai, janë strehuar në Saladin, Bagdad, Babel dhe në krahinat tjera, për t’i shpëtuar dhunës në rritje në mes trupave qeveritare dhe fiseve të armatosura. Ushtria irakiane është duke ndërmarrë operacion të madh ushtarak në provincën e trazuar Anbar, të banuar kryesisht nga sunitët. Më shumë se 100 civilë janë vrarë dhe 530 të tjerë janë plagosur, që nga shpërthimi i dhunës në provincë dy muaj më parë./mesazhi:

[Lajmet Ditore] Irak: Mijëra familje të zhvendosura nga dhuna në Anbar :: Komentet