[Lajmet Ditore] Erdogan: Qendroni larg protestave

Kryeministri i Turqisë, Recep Tayyip Erdogan i ka bërë thirrje të rinjve turq të injorojnë thirrjet për organizime të protestave ne sheshin ‘Taksim’ në Stamboll. Mijëra policë do të angazhohen ditën e shtunë për ruajtjen e rendit pas thirrjeve për protesta masive. Protestat e një viti më parë kundër planit të ri të zhvillimit dhe kundër prerjes së pemëve në parkun “Gezi” në Stamboll u shndërruan në tubime masive anti-qeveritare. Një numër i madh njerëzish u vranë dhe me mijëra u plagosën. Organizatorët e protestave të një viti më parë kanë bërë thirrje për demostrada ditën e shtunë. Gjithashtu tubime pritet të zhvillohen edhe në disa qytete të tjera të Turqisë, si në Ankara dhe Izmir. Erdogan paralajmëroi të rinjt të mos marrin pjesë, duke thënë “Një vit më vonë po bëhet thirrje për demostrada, por ju, të rinjtë e Turqisë, nuk duhet t’i përgjigjeni”. Ai e cilësoi lëvizjen si organizatë terroristë, e cila po kërkon të manipulojë rininë moralisht dhe financiarisht, duke tentuar të kërcënojnë ekonominë. :

[Lajmet Ditore] Erdogan: Qendroni larg protestave :: Komentet