[Lajmet Ditore] Siri - Bombardime nga ajri në Damask, vriten 50 civilë

Të paktën 50 persona kanë gjetur vdekjen për shkak të sulmeve ajrore të forcave të regjimit në lagjen periferike Duma, e kontrolluar nga kundërshtarë të Beshar Esadit, në kryeqytetin Damask të Sirisë, bën të ditur Agjencia e lajmeve Anadolli (AA). Numri i viktimave është konfirmuar nëpërmjet një komunikate edhe nga Këshilli i Përgjithshëm i Revolucionit Sirian. Po ashtu, në deklaratë theksohet se në këtë sulm ajror janë plagosur edhe 200 persona, të cilët janë në gjendje kritike dhe janë transportuar në spitalet fushore të improvizuara. Sakaq, Jusuf el-Bustani, një aktivist dhe dëshmitar okular, deklaroi se ndërtesa pranë tij u shkatërrua dhe disa godina të tjera janë përfshirë nga flakët për shkak të bombardimeve. El-Bustani shprehet se sulmet kanë shkaktuar një situatë tepër të vështirë si pasojë e numrit të lartë të viktimave, të plagosurve dhe dëmeve materiale të shumta. Ai njoftoi gjithashtu se shumica e të vrarëve dhe të plagosurve ishin gra e fëmijë, ndërsa theksoi se këta të fundit u transportuan nëpër spitale me motorrë dhe mjete të tjera. Numri madh i viktimave ka ardhur si pasojë e bombardimeve të pandërprera nga forcat e regjimit gjatë gjithë ditës. Avionët luftarakë të regjimit kanë bombarduar zonën Duma dhe Xhubari. Më parë është raportuar një shifër prej 20 të vrarësh dhe 170 të plagosur.:

[Lajmet Ditore] Siri - Bombardime nga ajri në Damask, vriten 50 civilë :: Komentet