[Lajmet Ditore] OKB voton për të dënuar regjimin Sirian

Asambleja e Përgjithshme e Kombeve të Bashkuara miratoi një projekt-rezolutë që dënon shkeljet e regjimit sirian ndaj së drejtës ndërkombëtare, dhe sulmet e vazhdueshme mbi zonat e populluara me civil. Rezoluta e hartuar nga Arabia Saudite mori mbështetjen e 125 shteteve, dhe kundër saj ishin vetëm 13 shtete, përfshirë aleatët si Rusia, Kina, Irani dhe Koreja e Veriut. Rezoluta jodetyruese thotë se janë kryer shkelje të rënda të ligjit ndërkombëtar humanitar, si dhe krime të rënda kundër civilëve, që nga fillimi i protestave paqësore në vitin 2011. Këto shkelje përfshijnë përdorimin e bombave fuçi dhe vakum bombave, taktikat terroriste, armë kimike dhe artileri të rëndë kundër civilëve dhe infrastrukturës civile. Konflikti në Siri, i cili filloi në mars 2011, ka marrë jetët e më shumë se 200,000 njerëzve dhe rreth 11 milion persona kanë nevojë për ndihmë humanitare brenda vendit. /mesazhi/:

[Lajmet Ditore] OKB voton për të dënuar regjimin Sirian :: Komentet