[Lajmet Ditore] Irani vazhdon të mbështesë regjimin sirian

Irani do të vazhdojë të mbështesë dhe mbrojë regjimin sirian kundër fuqive perëndimore dhe aleatëve të tyre në rajonin e Lindjes së Mesme, ka thënë për mediat iraniane kryetari i parlamenit iranian, Ali Larijani, pas takimit me homologun e tij sirian Muhamed Jihad Al-Laham. Al-Laham po viziton Teheranin për të marrë pjesë në Unionit e nëntë Parlamentar të Organizatës së Bashkëpunimit Islamik. Agjensia shtetërore e lajmeve të Iranit, IRNA raportoi se Larijani vlerësoi popullin sirian për rezistencë kundër fuqive të mëdha dhe aleatëve të tyre, duke theksuar se zhvillimet në Siri janë duke u përmirësuar për shkak të qëndrueshmërisë së qeverisë dhe popullit. Nga ana e tij, Al-Laham falenderoi popullin iranian për mbështetje të vazhdueshme ndaj qeverisë siriane. Sipas OKB-së, regjimi sirian ka vrarë më shumë se 100,000 njerëz dhe mbi dy milion janë regjistruar si refugjatë në vendet fqinje Turqi, Liban dhe Irak./mesazhi/:

[Lajmet Ditore] Irani vazhdon të mbështesë regjimin sirian :: Komentet