[Lajmet Ditore] Turqia vazhdon ta bombardojë ISIS-in dhe PKK-në

Avionët luftarakë turq kanë kryer edhe sot sulme ajrore ndaj ISIS-it në Siri dhe PKK-së në Irak. Kryeministri Ahmet Davutoglu zhvilloi një takim të nivelit të lartë ku morën pjesë ministrat dhe shefat e sigurisë – per te diskutuar lidhur në fushatën ajrore kundër grupeve të armatosura. Kryeministri tha se operacioni kishte në shënjestër kampet e PKK-së, bunkeret dhe shpellat ku janë vendosur pikat e logjistikës. Ai tha se forcat tokësore në të njëjtën kohë kanë goditur objektivat e PKK dhe ISIS, por pa shkelur territoret e Irakut dhe Sirisë. Pas një vale të re të operacioneve në Stamboll të shtunën në mëngjes, forcat turke të sigurisë kanë kryer tashmë bastisje në 22 provinca dhe arrestuan 320 anëtarë të grupeve terroriste. Turqia është e vendosur të marrë çdo hap për të siguruar paqen dhe sigurinë e popullit, ka thënë Davutoglu. Turqia ka rritur përpjekjet kundër ISIS që nga një sulm vetëvrasës të hënën ku ISIS vrau 32 njerëz në provincën juglindore Sanliurfa. Dy policë u vranë në shenjë hakmarrjeje të mërkurën ndersa Partia e Punëtorëve të Kurdistanit (PKK) mori përgjegjësinë për këtë sulm. /MESAZHI/:

[Lajmet Ditore] Turqia vazhdon ta bombardojë ISIS-in dhe PKK-në :: Komentet