[Lajmet Ditore] Ka shkuar në 20 numri i të vdekurve në sulmin e djeshëm në Çeçeni

Çeçeni Ka shkuar në 20 numri i të vdekurve në sulmin e djeshëm në kryeqytein e Çeçenisë, Grozni. Sulmi ndaj një post blloku të policisë ka lënë të vrarë 10 policë dhe dhjetë sulmues gjithashtu. Luftimet mes sulmuesve dhe policisë ndodhën pikërisht në momentet kur Putin ishte duke mbajtur një fjalim, duke thënë se askush nuk mund ta ndryshoj hartën e Rusisë. Dhjetë policë dhe 10 militantë të dyshuar janë vrarë, njofton Komiteti Kombëtar Anti-terrorizëm i Rusisë (AKR), duke shtuar se 28 persona janë plagosur nga radhët e policisë. Megjithatë, Putin vlerësoi udhëheqësin e Çeçenisë, Ramazan Kadirov, për kryerjen e një "operacioni profesionist" të sigurisë. Pamjet të marra nga Reuters treguan përleshjet mes sulmuesve dhe policisë, duke vënë në dukje se sulmuesit kanë përdorur armë zjarri. Një video e postuar në YouTube sugjeroi se sulmuesit kishin hyrë Grozni, si “hakmarrje" për atë që e quajtën shtypje të grave myslimane. Lideri Çeçen Ramazan Kadirov mban një kontroll të fortë në Çeçeni pas luftërave të viteve 1994-1996 dhe 1999-2000, por lëvizjet për pavarësi janë përhapur në të gjithë rajonin me shumicë myslimane të Kaukazit të Veriut. Në muajin tetor, pesë policë u vranë dhe 12 u plagosën në Grozni në një sulm me bombë vetëvrasëse. /mesazhi/:

[Lajmet Ditore] Ka shkuar në 20 numri i të vdekurve në sulmin e djeshëm në Çeçeni :: Komentet