[Lajmet Ditore] Raporti mbi CIA-n: Torturat e udhëhequra nga psikologët pa pervojë

CIA ka paguar 80 milion dollarë për një kompani psiologogësh të pa përvojë, me qëllim të "marrjes në pyetje" për persona që dyshohen për terrorizëm. Raporti i Senatit mbi aktivitetet e CIA-s tregon se psikologët kanë rekomanduar tortura me ujë, shuplaka në fytyrë dhe improvizim të “varrimit për së gjalli” për të burgosurit dhe të dyshuarit për vepra terroriste. Raporti i Senatit vë në pikëpyetje kualifikimet e “psikologëve" dhe i akuzoi ata për shkelje të etikës profesionale. "Asnjë nga psikologët nuk kishin ndonjë përvojë si hetues e as që kishin njohuri rreth al Kaedës, e as nuk kishin njohuri kundër terrorizmit, apo ndonjë përvojë relevante të specializuar," thotë raporti. Megjithatë, CIA ka vazhduar punën me psikologët, të cilët janë paguar rreth 80 milion dollar për “këshillat” e tyre të torturës. Raporti i Senatit mbi CIA-n, i cili u publikua mbrëmë ka shkakuar mjaft polemika, gjë që qoi në rritjen e sigurisë në Ambasada. /mesazhi/:

[Lajmet Ditore] Raporti mbi CIA-n: Torturat e udhëhequra nga psikologët pa pervojë :: Komentet