[Lajmet Ditore] Britani, manifestim me moton "Vizito xhaminë time"

Këshilli mysliman i Britanisë ka organizuar dje një manifestim me moton "Vizito xhaminë time". Me këtë rast, myslimanët u bënë thirrje të gjithë britanikëve, pa dallim feje, të hyjnë në xhami dhe ta shohin atë nga brenda. Xhamitë mbetën të hapura për vizitorët ku shërbehej çaj dhe ëmbëlsira, dhe ku bisedohej për islamin e vërtetë dhe jetën e besimtarëve britanik, si dhe sfidat e tyre. Anëtarët e komunitetit thanë se kanë angazhuar dijetarë për t'iu përgjigjur pyetjeve në lidhje myslimanët dhe Islamin. Xhamitë lokale hapën dyert për të demonstruar unitetin dhe solidaritetin gjatë këasaj kohe të tensionuar për komunitetet fetare anembanë Evropës. "Vizito xhaminë time" është pjesë e një nisme kombëtare nga myslimanët për të arritur shmangien e paragjykimeve. Shumë xhami në Britani kanë politika për "dyer të hapura", dhe shumë të tjera kanë ditë të veçanta për të ftuar komunitetin lokal rreth tyre, që të kalojnë kohë në xhami. /mesazhi/:

[Lajmet Ditore] Britani, manifestim me moton "Vizito xhaminë time" :: Komentet