[Lajmet Ditore] 29 klandestinë vdesin nga hipotermia në Mesdhe

Rreth 29 klandestinë kanë vdekur të hënën nga hipotermia në bordin e një anije të rojës bregdetare italiane. Roja bregdetare italiane zbuloi mbrëmjen e shkuar dy anije të braktisura pranë brigjeve të Libisë. 29 nga 105 klandestinët në bord nuk ia kanë dalë dot hipotermisë duke ndërruar jetë. Në një deklaratë të rojës bregdetare italiane, thuhet se anijet udhëtonin të dielën vonë duke shpërfillur kushtet ekstreme të detit, me dallgë deri në 8 metra lartësi dhe temperaturat nën zero gradë. Emigrantët që vdiqën kaluan 18 orë në kuvertën e mjetit lundrues që ata e kishin marrë në ishullin italian të Lampedusës, por erërat e forta dhe dallgët e kishin spostuar anijen në drejtim të Libisë. Një i mbijetuar u dërgua në Sicili në gjendje kritike për jetën. Kryetari i bashkisë së Lampedusës Giusi NICOLINI fajësoi për tragjedinë autoritet italiane që vitin e kaluar vendosën të mbyllnin misionet e kërkim-shpëtimit në detin Mesdhe. Klandestinët ishin nga Siria e Libia dhe si destinacion kishin vendet e BE-së.:

[Lajmet Ditore] 29 klandestinë vdesin nga hipotermia në Mesdhe :: Komentet