[Lajme Ditore] Suedi, 4 sulme me bomba këtë javë, nuk ka viktima

Këtë javë në qytetin suedes Malmo kanë ndodhur katër sulme me bomba, të cilat shkaktuan frikë dhe panik në mesin e popullatës lokale, të cilët kërkojnë nga policia që të gjejë autorët sa më parë, raporton Anadolu Agency (AA) Sipas televizionit shtetëror suedez Sveriges Televizion (SVT), sulmi i fundit ka ndodhur herët në mëngjes në rrugën Ronnblomsgtan. Sulmues ose një grup i panjohur kanë vendosur një bombë në një rrugë ku banojnë kryesisht studentë. Nuk ka të vrarë apo të plagosur, por janë shkaktuar dëme materiale, duke dëmtuar automjetet e parkuara aty. Policia rrethoi vendin e shpërthimit dhe po kryen inspektimet. Në këtë zonë tani më janë shtuar masat e sigurisë dhe kanë filluar kërkimet për autorët. Dyshohet se sulmi i sotëm është i lidhur me tre të mëparshmet. Shefi i Policisë në Malmo, Stephen Soderholm, beson se bëhet fjalë për larje hesapesh mes disa bandash pjestarët e të cilave janë me origjinë nga ish-Jugosllavia.:

[Lajme Ditore] Suedi, 4 sulme me bomba këtë javë, nuk ka viktima :: Komentet