[Lajmet Ditore] Tajfuni “Soudelour” rrafshon Taivanin

Të paktën katër persona kanë humbur jetën si pasojë e tajfunit të fuqishëm “Soudelour”. Tajfuni është përplasur në ishullin e Taivanit me erëra të fuqishme dhe shira të dendura. Në orët e para të mëngjesit të së shtunës, stuhia, me erëra që frynin deri në 230 kilometra në orë, zbarkoi në bregun lindor të ishullit. Ndërsa tani po bën përshkimin e gjithë territorit. Tajfuni ka shkaktuar rrëshqitje toke në të paktën një fshat, ka shkulur pemë dhe ka rrëzuar stenda publicitare. Ndërkohë, rreth 2 milionë banorë kanë mbetur pa energji elektrike, shërbimet hekurudhore dhe ato ajrore janë anuluar, ndërsa të gjitha shkollat e zyrat janë mbyllur. “Tajfuni po zhvendoset në veri-perëndim dhe gradualisht po humbet fuqinë e tij. Në mes të viktimave janë edhe një vajzë 8-vjeçare dhe e ëma e saj, të cilat u rrëmbyen nga ujërat. Stuhia pritet që më vonë të kalojë në Ngushticën e Taivanit dhe më pas të depërtojë në Kinë”, ka deklaruar stacioni meteorologjik i Taivanit. Në prag të mbërritjes së “Soudelourit”, autoritetet kishin evakuuar mijëra njerëz nga banesat e tyre.:

[Lajmet Ditore] Tajfuni “Soudelour” rrafshon Taivanin :: Komentet