[Lajmet Ditore] Francë, disqe në qafë për nxënësit që nuk hanë mish derri

Një shkollë franceze është vënë në shënjestër të mediave, pasi raportohet se ka detyruar nxënësit mysliman dhe hebrej të vendosin disqe të kuqe rreth qafe, pasi atyre nuk u lejohej fetarisht ta hanin mishin e derrit. Ngjarja e cila është duke u hetuar provokoi zemërim të madh në mesin e prindërve në shkollën Auxerre të rajonit Burgundy. Mësohet se autoritetet e shkollës i kishin detyruar nxënësit myslimanë dhe hebrenj të mbanin disqe të kuqe rreth qafe, kështu që stafi i restorantit nuk do t’u shërbejë atyre mish derri, raporton Telegraph. Tetëmbëdhjetë prej 1.500 nxënësve të shkollës mbanin disqe, megjithatë vendimi është tërhequr nga protesta e prindërve dhe udhëheqësit e komunitetit, të cilët thanë se veprimi ishte i ngjashëm me “yjet e verdhë që hebrenjtë u detyruan të veshin nën pushtimin nazist”. Shërbimi i ushqimit që nuk përmban mish derri për fëmijët e shkollës është një çështje e ndjeshme në Francë me udhëheqësit e ekstremit të djathtë nacionalist, në të kaluarën kanë tentuar ta detyrojnë restorantet shkollore nga të mos shërbejnë ushqim derri për studentët. Ish-presidenti i Francës Nikolas Sarkozi ishte gjithashtu në mesin e liderëve të qendrës së djathtë, që kishte kundërshtuar mishin e derrit në shkolla. Shamitë dhe forma të tjera të veshjeve të lidhura me fenë janë të ndaluara në shkollat shtetërore. /MESAZHI/:

[Lajmet Ditore] Francë, disqe në qafë për nxënësit që nuk hanë mish derri :: Komentet