“Na ishte njëherë një mbret, i cili e kishte marrë më afër vetes njërin prej skllevërve dhe shërbyesve të tij. Ai e donte dhe e vlerësonte atë më shumë se të tjerët. Aq sa shërbëtorët e tjerë nuk e duronin dot atë. Madje, ata nuk arrinin ta kuptonin se nga buronte gjithë kjo dashuri e mbretit për atë skllav. Në pamje të jashtme, ai skllav nuk ishte as më i bukur dhe as më i aftë se të tjerët. Mirëpo, mbreti e kishte bërë të afërt ndaj vetes dhe dashurinë që kishte ndaj tij e mbante shumë më lart se të tjerët. Shërbëtorët e tjerë e vinin re këtë, por nuk arrinin t’i jepnin asnjë kuptim kësaj gjendjeje. Një ditë, mbreti deshi t’u japë atyre një mësim. Prandaj mori shokët dhe shërbëtorët dhe doli për shëtitje në pyll. Ishte stinë vere, shumë nxehtë. Sytë e mbretit u fokusuan për një moment tek një mal i largët, maja e të cilit ishte mbuluar me borë. Mbreti pa vetëm njëherë për pak çaste nga mali, pastaj e uli shikimin para vetes. Skllavit që kishte fituar afërsinë me mbretin, nuk i shpëtoi ky detaj. Ai mori një kalë dhe u largua menjëherë prej aty. Të gjithë ishin çuditur nga fakti se skllavi e shaloi kalin dhe iku pa i thënë gjë mbreti. Asnjëri prej tyre nuk arriti të kuptonte ikjen e shpejtë të atij skllavi. Pa kaluar shumë kohë, skllavi kthehet me një sasi bore, të cilën ia ofroi menjëherë mbretit. Për rrjedhojë, mbreti mbeti shumë i kënaqur prej urtësisë dhe shërbimit të tij.
Prandaj e shpërbleu mirë atë. Ata që ishin pranë mbretit, iu afruan skllavit dhe, duke dashur ta kuptonin më mirë këtë punë, e pyetën atë: “Si e kuptove që mbreti dëshiroi borë? Skllavi, zemra e të cilit ishte e mbushur me dashuri, u përgjigj duke buzëqeshur: “Sepse ai pa drejt e në majën ku gjendej bora dhe jo në ndonjë pjesë tjetër të malit.” Pastaj vazhdoi duke thënë një fjalë të urtë: “Mbretërit nuk shohin kot asgjë dhe asnjë anë!” Pas kësaj përgjigjeje, të pranishmit e kishin kuptuar se përse mbreti e donte shumë atë skllav.
Tashmë ishte e qartë se vlerësimi i lartë i mbretit për atë skllav, ishte për shkak të zgjuarsisë dhe urtësisë së tij. Kur mbreti e dëgjoi përgjigjen e tij, u tha të pranishmëve: “Ja pra, pikërisht për këtë arsye unë e kam marrë atë afër vetes, e dua dhe e vlerësoj më shumë se ju. Ju shihni gjithmonë veten tuaj, ndërsa ai më ruan dhe është gjithmonë në shërbimin tim.”
Po!.. Njeriu e bën veten të dashur në sajë të shërbimit që bën! Dhe në sajë të edukatës në shërbim, urtësisë dhe mirëkuptimit, ai shton afërsinë e tij me të tjerët!.. I dashuruari e tregon dashurinë e tij gjithmonë duke shërbyer!..
Diabeti:Zgjedhjen e gjeni tek ushqimi
Kur bëhet fjalë për diabetin, zgjedhjet tona ushqimore janë shumë të rëndësishme. Pavarësisht se disa ushqime janë më të mira se të tjerat, kjo nuk do të thotë që duhet të ketë kufizime në larmishmërinë e ushqimeve që mund të konsumojmë. Ka ushqime që etiketohen si tepër të këqija, por kjo nuk nënkupton se ato duhen shmangur tërësisht. Nëse konsumohen në sasi të vogla, këto ushqime “të këqija” janë të padëmshme. Megjithatë kur vjen puna tek vlerat, ushqyesit dhe aftësitë për të ndihmuar në menaxhimin e diabetit, gjithmonë duhen zgjedhur ushqimet më të mira. Trupi ka nevojë për karbohidrate. Megjithatë zgjidhni me kujdes.
Thu 23 Mar 2023 - 2:31 nga 
