Droga- e keqja që po bën kërdi

Droga- e keqja që po bën kërdi

--------------------------------------------------------------------------------

Droga- e keqja që po bën kërdi

Për të gjithë ata zemrat e të cilëve i ka pushtuar e keqja më e madhe e kohëve moderne, për të gjithë ata, mendjet e të cilëve shejtani i ka helmuar me helmin më të keq- me drogë (heroinë, kokainë, marihuanë...),do të sjellim një shembull të një të riu njëzet vjeçar i cili kishte udhëtuar në njërin prej shteteve të Azisë Juglindore ku shumë lehtë mund të arrihet deri te droga, ndërsa djaloshi ishte shumë i pasur.
Ai me kalimin e kohës, pak nga pak, kishte filluar që të përdorte heroinë.
Në këtë gjendje, në këtë vend kishte qëndruar afër një vit e gjysëm.
Pas kësaj kohe, ai ishte kthyer me dhunë dhe ishte vendosur në spital për t'u shëruar.
Gjatë kohë kishte qëndruar në spital, mirëpo shërimi ishte paguar dhe ai ishte shëruar.
Për të kishin kuptuar shokët e vjetër, gjarpërinjtë helmues.
E kishin mashtruar që ta lërë spitalin dhe e kishin dërguar në ahengun e tyre, në folenë e të keqes, drogës dhe alkoolit, në mbretërinë e shejtanit të mallkuar.
I ofruan drogë, heroinë etj.
Pas një ore, ai kishte vdekur.
Do të pendohen shumë në Ditën e Gjykimit ata njerëz të cilët kanë zgjedhur shokë të këqinj, ujqër me lëkurat e deleve.

Në historinë e njerëzimit, në historinë e këtij planeti dhe të jetës në të, nuk është paraqitur e keqe më e madhe se kjo.
Në erën e përparimit dhe të kohës së civilizimit, njeriu po ballafaqohet me epideminë dhe me helmin i cili kurrë nuk është futur në venat e kodit të civilizimit.
Po, kjo është droga.
Është helmi për shkak të të cilit shumë të rinjë dhe të reja kanë përfunduar jetën e tyre në lulen e rinisë.
E keqe kjo për të cilën kanë shkruar shumë, ndërsa edhe më shumë është folur për të, do të flitet dhe do të shkruhet.
Helmi i bardhë të cilin e quajnë "pluhur", heroina dhe kokaina, e cila po i robëron dhe po i prangos shumë fuqishëm me zinxhirë dhe shumë më keq sesa ushtritë e ashpra gjatë historisë.
Pluhuri i bardhë që robëron me një tërheqje apo me një injektim në damarë.
Të burgosurit e saj pastaj bëhen edhe gratë, fëmijët dhe pleqtë.