Turqia nuk do të ri e qetë, nëse Izraeli sulmon Libanin apo Gazën, ka thënë sot në Bejrut kryeministri i Turqisë, Rexhep Taip Erdogan, bën të ditur AFP.
“A mos mendon (Izraeli) se mund të hyjë në Liban me avionët dhe tanket më moderne dhe të mbys gra e fëmijë, t’i shkatërrojë shkollat dhe spitalet, e më pas të pres që ne të rrimë të qetë?”- ka theksuar Erdgona në konferencën e organizuar nga Unioni i bankave arabe.
“A mos mendon që t’i shfrytëzojë armët më moderne, municionin fosforik dhe bombat, ashtu që të mbys fëmijët në Gaza, e më pas të pres që ne të jemi të qetë? Ne nuk kemi për të qenë të qetë, dhe do ta përkrahim të drejtën me të gjitha mjetet të cilat i kemi në disponim”, është shprehur më tej ai.
Raportet ndërmjet Turqisë dhe Izraelit u prishën pasi Izraeli sulmoi Gazën në dhjetorë të vitit 2008, ndërsa u tensionuan edhe më shumë kur komandat izraelite vranë nëntë aktivistë turk në konvojin humanitar për në Gaza.
Erdogan ka thënë se shteti i tij nuk do t’i normalizojë raportet me Izraelin për aq sa Izraeli nuk kërkon falje për “sulmin e egër” të tij në flotën humanitare.
Thu 23 Mar 2023 - 2:31 nga 
