Llogarite veten para se të vij dita të llogaritesh.

Llogarite veten para se të vij dita të llogaritesh.

Kjo botë është sikurse helmi: e merr ai që nuk e njeh dhe përpiqet t'i afrohet sa më tepër, sepse nuk e di rrezikun e saj, e ajo, me të vërtetë e mbyt atë!
Ti o njeri, je i përbërë prej pjesëve ( grumbull ditësh ). Prandaj, sa herë që kalon një ditë, shkon edhe një pjesë e ytja!
Ai që i frikësohet vetëm Allahut s.v.t., Allahu xh.sh bën që ti frikësohen të gjithë të tjerët, ndërsa, ai që i frikësohet botës, Allahu bën që ai t'i frikësohet çdo gjëje!
Mjerë, dhe mjerë për çdo njërin i cili të mirat e Allahut i harxhon në mëkate ndaj Tij!
Sa i quditshëm është njeriu!
Dy roje dhe përcjellës kurr nuk e lënë vetë.
Gjuha e tij i është laps, ndërsa pështyma i është patron ngjyre. E ai, përsëri e flet atë që nuk i përket!
Isai a.s. ka thënë: Kjo botë, është arë e Iblisit ( shejtanit - demonit të mallkuar ) të cilën ja lavërojn ata që jetojnë dhe ipen pas saj!
Kjo botë është sikurse helmi: e merr ai që nuk e njeh dhe përpiqet t'i afrohet sa më tepër, sepse nuk e di rrezikun e saj, e ajo, me të vërtetë e mbyt atë!
Boshëllëku i kësaj bote sjell fatkeqësi dhe sprova të mëdha, ndërsa, lidhshmëria për të, medoemos të dërgon në dështim. Do të fitojë vetëm ai që e lë, kurse, do të humb ai që e merr!
Kjo botë, pasha Allahun s.v.t., është shtëpia në të cilë vuhet dënimi. Kësaj i vardiset vetëm ai i cili nuk ka mend dhe vetëm ai e grumbullon. Me të, është i mahnitur vetëm ai që nuk ka dituri. I zgjuar dhe i mençur është ai që me të i shëron plagët e veta duke e duruar idhtësinë e ilaqeve, me shpresë për një shërim të shpejt!
Kjo botë, është vetëm ëndërr, ndërsa ahireti është zhgëndërr. Ato, vetëm vdekja i ndan. Por, njerëzit janë të lëshuar pas ëndrrave të veta të ngatërruara. O ti njeri, o besimtar,...Unë vetëm të them siq ka thënë një i urtë: ''Nëse shpëton nga bota, ke shpëtuar nga cdo fatkeqësi, e nëse nuk mund të nxirresh, nuk mund të të numëroj prej të shpëtuarve''!
Dije, o ti njeri, o ti besimtarë, se ke shtëpi, por jo atë në të cilën banon tash, por, atë në të cilën do të banosh gjatë dhe në të cilën miqtë do të lënë të vetmuar. Përgaditu mirë për ditën ''kur njeriu do të ik prej vëllaut të vet, nënës, babait, fëmijëve, shokëve të vet''. Përkujtoje ditën kur do të ringjallen të gjithë dhe kur do të dalë në dritë ajo që e kanë fshehur në zemër, kur do të zbulohen fshehtësitë, kur do të ndahet libri, libër, i cili as mëkatin e vogël e as të madhin nuk do ta lë - por të gjitha do ti numërojë''. Puno, derisa të kesh kohë, derisa të arrijë vdekja dhe ta ndërprejë çdo punë!
O njeri, zvogëloje qeshjen tënde, sepse qeshja e tepërt e ngrinë dhe e mbyt zemrën, e largon gëzimin e vërtetë, e zvogëlon trimërinë, kurse të ngriturin e bën të poshtëruar.
Allahu xh.sh i ka shpallur Isait a.s ( Jezusit ): o Isa, lajë sytë me lot kur të shohësh se të pakujdesshmit qeshin.
Derisa t'u nështroheni lakmive trupore nuk do të arrini atë që e dëshironi, ndërsa, derisa të mos i duroni sprovat, nuk do t'i realizoni shpresat!
Njeri, nuk je në besimin e vërtetë përderisa ua zbulon të metat të tjerëve, ndërsa vet nuk je pa to. Andaj, së pari largoi të metat tua, e lëri të tjerët dhe të metat e tyre. Por dije, se kurr nuk do ti largosh të metat tua, andaj, është më me rëndësi t'u përkushtohesh dhe të merresh me to. Nëse dëshironë të jesh i drejtë, atëherë mos i hulumto të metat e të tjerëve, kështu që edhe për Allahun s.v.t do të jesh më i dashur dhe i këndshëm. Xhihadi ( përpjekja ) më e mirë është ajo që zhvillohet kundë epsheve ( lakmive ) personale!
Mos u bënë sikur ai që e grumbullon diturinë e të diturve dhe mencurinë e të mencurve, ndërsa ndaj të Vërtetës sillet si i marrë!

Vëlla, ki kujdes se c'flet! A nuk është thënë se është më së miri që gjuhën ta mbash gjithnjë të lidhur? I dërguari i Allahut, s.a.v.s., ka thënë: ''A thua njerëzit do të hidhen në xhehenem për dic tjetër pos të folurit e gabuar?!''
Te njeriu i mencur, gjuha është pas zemrës dhe kur dëshironë të thotë diqka, së pari mendon mirë. Nëse thënia e tij do të jetë e dobishme, atëherë e thotë, në të kundërtën, heshtë. Ndërkaq, te i padituri, zemra është pas gjuhës. Ai flet sa herë që do duket pa menduar fare.
Njeriu asnjëherë nuk e ka vazhduar shpresën, e që të mos e ketë shkatërruar veprën!
O njerëz, ju keni vetëm një shpirt, të cilin nëse e shpëtoni nga dënimi i Allahut, nuk do ta dëmtojë humbja e shpirtrave të tjerë, e nëse e humbni, nuk do të ketë dobo kurrfar dobie nga ajo se të tjerët kanë shpëtuar!
Allahu e mëshiroftë secilin që punon për atë botë, para se ta harxhojë gjithë rriskun ( furnizimin ) që i është caktuar!

O njeri, ruaju vetëmashtrimit, sepse ti ende nuk je i sigurt se ke shpëtuar nga dënimi i Allahut: para teje, është frika më e madhe dhe ndodhia më e tmerrshme. Në varr, do t'ia vësh vetes nën kokë atë që vetë ia ke përgaditur vetes tënde. Nëse ajo është e mirë, edhe ti do të jesh mirë, e nëse ajo është e keqe, edhe ti do të jesh keq. Andaj, puno dhe mos zvarrit në atë që është e mirë.
O ju njerëz, llogariteni vetvetën tuaj, para se të vije dita të llogariteni
Thotë Allahu i madhëruarë:
''Allahu nuk e ndryshon gjendjen e një populli, përderisa ata të mos e ndryshojnë vetvetën e tyre. Po, kur Allahu vendos ta ndëshkoj një popull, atë nuk ka kush që ta zbrapsë. Ata ( njerëzit ) nuk kanë mbrojtës tjetër pos Tij''
O Krijuesi ynë, trego mëshirë mbi popullin tonë dhe mbi të gjithë besimtarët e drejtë në veqanti, na ndihmo të bëjmë ndryshime në vetveten tonë, në popullin tonë dhe mbi mbarë ummetin ( njerëzimin ) në përgjithësi, sepse, padyshim ti je i Gjithëdijshëm dhe ndihmës në të mira. Neve na mjafton ti o Zoti ynë. Falënderimi qoftë për Allahun, Krijuesin dhe Sunduesin e botëve!
Për forimin:islamieshtedrit.com
Përg;Furkan.