"Mos jetoni pa qëllime.Njiheni vetveten"
Dituria është e mira më e madhe e kësaj bote që mund të zotërohet.
Dituria është mbretëri e vërtetë.
Të ngatërrosh dijetarin e rrejshëm me atë të vërtetin, ta ngatërrosh dijen e rrejshme me dijen e mirëfilltë do të thotë të mos e dallosh dijetarin dhe të mos e dish se ç'është dituria.
Lexoni! Mos harroni se leximi ende është metoda më efektive për të përvetësuar dituri. Mos harroni se objekt që duhet lexuar nuk është vetëm libri.
Ai është vetëm një nga gjërat që mund të lexohen.
Në krye të gjërave që mund të lexohen bëjnë pjesë ngjarjet, sendet, gjithësia dhe vetë njeriu.
Mos jetoni pa qëllime. Të jetosh pa qëllime do të thotë të jesh kandidat për të qenë mbetje/fundërrinë e njerëzimit.
Lodheni kokën për qëllimin përse jeni krijuar.
Mendoni fort lidhur me detyrat dhe përgjegjësitë e njerëzimit në kuadër të gjithësisë, të bashkësisë së cilës i përkisni në kuadër të njerëzimit dhe të personalitetit tuaj në kuadër të bashkësisë.
Rolin tuaj mund ta luani mirë vetëm nëse e njihni mirë qëllimin e krijimit tuaj.
Ju jeni njeri "i shenjtë". Njiheni vetveten. Çdo gjë fillon me ju.
Mos harroni se jeni vatra e të gjitha krijesave.
Njeriu është edhe rrugë edhe udhëtar.
Nëse udhëtari dëshiron ta njohë udhën, ai duhet ta njohë vetveten.
Duhet t'i njohë virtytet, veçantitë, dobësitë, përgjegjësitë, të drejtat…
Ata që mundohen ta njohin njeriun do të vërejnë se aftësia për të mësuar është privilegji kryesor që njeriun e bën njeri.
Do të mahniten kur do të vërejnë se të gjitha kapacitet e tjera janë në varësi të dijes.
Këshilla për leximin:
-Natyrisht, syri nuk e lexon vetëm librin.
-Çdo shikim me ndërgjegje është lexim.
-Për të lexuar drejt duhet të shikoni drejt.
-Ata që shikojnë shtrembër asnjëherë s'mund të shohin drejt.
-Lexoni me qëllim të pastër.
-Nëse përmes leximit dëshironi t'i arrini të mirat e kësaj bote, dijeni se ekzistojnë mënyra përmes të cilave këtë botë mund ta arrini shumë më shpejt, andaj shfrytëzoni ato.
-Kërkoni dituri me qëllim të pastër.
-Ndoshta dija nuk arrihet vetëm me lexim, por leximi prapë është mënyra më e garantuar për ta arritur diturinë.
-Lexoni drejt! Kjo nuk do të thotë "mos e lexoni të gabuarën".
-Por, zgjedhja për të lexuar duhet të jetë e qëlluar.
-Lexoni drejt. Garancia e leximit drejt është këndvështrimi i drejtë.
-Ata që e lexojnë shtrembër librin, ngjarjet, gjërat, gjithësinë dhe njeriun, s'e arrijnë asnjëherë sekretin e diturisë.
-Drejt mund të lexoni nëse keni mendje të shëndoshë.
-Mendja jo e shëndoshë do t'i turbullojë edhe gjërat e qarta.
-Do ta përziejë të vërtetën me të pavërtetën.
-Mos ua thyeni zemrën librave. Ato kanë zemër, andaj mos u hidhni fjalë sikur bukurosheve të lagjes.
-Është përdhunim nderi ta trajtosh librin si dërrasë kërcyese për ta arritur këtë botë.
Në procesin e përfitimit të diturisë përparësi jepni nevojave urgjente.
Natyrisht që çdoherë që i drejtoheni objektit të leximit duhet t'ia shtroni vetes këtë pyetje:
"Vallë, kjo dituri a është e dobishme për mua?"
Dituria e bën të dobëtin të fortë, të varfërin të pasur,e nëse jeni të pasur ajo të bëhet bukuri,e nëse jeni të përulur ajo ju ngrit."
Kur rëzohen dijetarët apo mësuesit,shkatërrohet e tërë shoqëria.
Thuaj : Nuk janë të barabartë ata që nuk dinë me ata që dinë."
Të dish,është veten ta kuptosh,nëse ti se kupton dot veten, ç'të duhet të lexosh.
"Lexim ka kuptim kur krijesa njeh Krijuesin e vet."
< Shkruar nga Historiani : Bujamin Salija >
Thu 23 Mar 2023 - 2:31 nga 
