Pas fillimit të valës së protestave në Tunizi dhe Egjipt, përkatësisht përmbysjes së diktatorëve Ben Ali e Mubarak dhe më pas shtrirjes së kësaj vale të protestave popullore anti-diktatoriale pothuaj se në mbarë botën arabe, si duket fryma revolucionare dhe shprehja e mendimit të lirë trimëroi edhe prijësit fetar të këtyre vendeve.
Nisur nga kjo, më shumë se 100 imamë jordanez kërkojnë urgjentisht nga qeveria e Jordanisë të mbyll klubet e natës.
Më shumë se 100 imamë i kërkuan qeverisë jordaneze që t’i mbyll të gjitha klubet e natës dhe të përballet me prostitucionin, thuhet në deklaratën e lëshuar për opinion ditën e mërkurë.
“Kërkojmë mbylljen e të gjitha klubeve të natës që punojnë me pretekstin e gjoja zhvillimit të turizmit.” theksojnë 109 imamët në mesin e të cilëve ndodhen edhe disa ish-deputetë, prijës islamik, profesor universitar dhe imamë të xhamive,thuhet në deklaratën që e përcjell AFP-ja.
“Gjithashtu kërkojmë të luftohet prostitucioni dhe shtëpitë
publike, si dhe sjelljen e një ligji i cili do ti luftonte të gjitha
aktet dhe dukuritë anti-islame dhe amorale të cilat e shkatërrojnë shoqërinë jordaneze.” – nënvizohet në deklaratë.
Grupi i deputetëve kërkoi nga qeveria që t’i mbyll klubet e natës,veçanërisht të atyre që ndodhen në dy rrugët perëndimore të Amanit, rrugë këto që janë emërtuar me emrat e dy qyteteve të shenjta Mekës dhe Medinës, për shkak se kjo “fyen Islamin dhe muslimanët.”
Sipas vlerësimeve të Ministrisë së Turizmit të Jordanisë, në mbarë vendin ekzistojnë 60 klube të natës.
(Breziiri)
Thu 23 Mar 2023 - 2:31 nga 
