Rebelimi i ushtarëve rreziku më i madh i regjimit sirian

Mesa duket presidentit sirian, Beshar Esed po i afrohet fundi pak e
nga pak, sidomos nëse rebelimet në radhët e ushtarakëve do të vijnë në
rritje.
Shumë qytetarë janë detyruar të rrokin armët në mbrojtje të
familjarëve të tyre nga sulmet e armatosura të regjimit në pushtet. Ky
skenar i presidentit sirian bëhet akoma më i prekshëm, nëse i shtojmë
faktin se ai vetë i përket sektit alevit, i cili gëzon një shtrirje
vetëm prej 11 % në mbarë Sirinë. Sipas gazetës The Indipendent, ky fakt
e vë presidentin sirian në pozita tepër të dobëta.
Rreziku për Esedin vjen e shtohet me rebelimet e forcave ushtarake,
të cilat refuzojnë të qëllojnë popullsinë e pafajshme. Sipas gazetës
përsëritja e skenarit të protestave të 1980, ku i ati i Beshar Esedit,
e shtypi duke vrarë me mijëra protestues, është i pamundur në këto
rrethana. Protestat e 1980 ishin të kufizuara vetëm në qytetin Hama,
sakaq protestat aktuale shtrihen në të gjithë vendin ku shumica
absolute janë sunni.
Për herë të parë, një toger me emrin Abdu Rezzak Talash deklaroi
dezertimin e tij nga ushtria, për faktin se e kishte të pamundur ti
drejtojë armën qytetarëve të tij. Sipas tij, forcat e ushtrisë janë
përfshirë në masakra të rënda në shumë qytete, sidomos në atë Der’a.
Një i ri nga qyteti Xhisr Shugur tregon se forcat e ushtrisë e
rrethuan një fshat aty pranë me tanke. Menjëherë banorët kishin formuar
mburoja njerëzore për të penguar ushtarët të depërtojnë në fshat. Nga
ana e forcave ushtarake pamë të dezertojë një numër i konsiderueshëm
ushtarësh, të cilët refuzuan të qëllojnë civilët. Duke parë se situata
po u del jashtë kontrollit, oficerët sollën helikopterë të cilët
qëlluan mbi ushtarët e dezertuar. Autoritetet siriane deklaruan se 120
ushtarë kishin mbetur të vrarë nga grupe te armatosura njerëzish,
ndërkohë që ushtarët ishin vrarë nga vetë kolegët e tyre, besnikë të
regjimit.
(FRI)