Fryti i sinqeritetit:Paqja shpirterore

Sinqeriteti
do te thote qe ne fene tende t`i dedikohesh vetem Allahut, punet t`i kryesh vetem per te fituar kenaqesine hyjnore dhe t`i pastrosh ato nga ndytesite.Sinqeriteti eshte ilaci i problemeve, i hidhrimit dhe dhimbjeve... Allahu Teala, duke treguar pelqimin e Tij për besën që I dhanë sahabët Profetit a.s, në “Beslidhjen e Ridvanit”, shprehet kështu:


“Allahu është I kënaqur me ata besimtarë, kur t`u betuan për besnikëri nën hijen e pemës. Ai e dinte se c`kishte në zemrat e tyre, prandaj u dha atyre qetësi dhe shpërbleu me një fitore të afërt e me një fitore të afërt e me një plackë të madhe që do të fitojnë.Allahu është I Plotfuqishëm dhe I urtë.” (El-Feth,18-19)


Kur Sahabët i jepnin besën Profetit (a.s),në zemrat e tyre kishte sinqeritet dhe i besuan pa kushte të gjitha ato që tha ai.Ajo që e kënaqi Allahun e adhëruar, ishte se Ai e dinte që ata do ta mbanin besën që i dhanë Profetit (a.s)


Për këtë arsye, Allahu zbriti menjëherë qetësi në zemrat e tyre.


U dha qetësi dhe siguri...ndjenjë besimi...paqe shpirtërore...


U dha vendosmëri për të qëndruar të fortë në fenë e tyre, me gjithë vështirësitë që mund tu dilnin...


U dha mirësinë e të menduarit mirëpo për Alalhun që i udhëzoi në rrugë të drejtë dhe Profetin e Tij (a.s)...


Nëse pakësohet sinqeriteti, i cili siguron paqen shpirtërore, zemra ngushtohet dhe shqetësimet shtohen.Për arsye se adhurimin dhe nënshtrimin e bëjnë për dikë tjetër dhe jo për Alalhun, zemrat e munafikëve, mushrikëve dhe hipokritëve ngushtohen vazhdimisht.


Ibën Kajim el Xheuzije, e ngjason sinqeritetin dhe teuhidin me një pemë që ndodhet në zemër.Degët e kësaj peme janë veprat.Frytet e saj në këtë botë janë paqja shpirtërore dhe jeta e qetë.Ndërsa në botën tjetër janë mirësitë e pafundme.Edhe shirku edhe dyftyrësia janë si pema në zemër.Frytet e tyre në këtë botë janë frika, hidhërimi dhe ngushtimi i zemrës. Ndërsa në botën tjetër, dënimi i vazhdueshëm.


Si përfundim për të qenë i sinqertë, duhet të kalosh provimin e kryerjes së punëve vetëm për hirë të Allahut.Kur të jeni të sëmurë, t`i mbështeteni Allahut dhe, kur të jeni të shëndetshëm ,ta përkujtoni shpesh Atë. Të falënderoni në mirëqenie dhe të mos ngrini krye në skamje, por të duroni.Pra në çdo gjendje të jeni, të jetoni për Allahun.


Fjala jonë e fudnit le të jetë fjala e Allahut:


Thuaj: “Namazi im, kurbani im, jeta ime dhe vdekja ime janë thjesht për All-llahun, Zotin e botëve. (Sureja El-En`am,162)


La Tahzen/Mos u hidhëro

Ai (shejtani) tha:“Pasha madhërinë Tënde, kam për t'i shmangur prej rrugës së drejtë që të gjithë, përveç atyre që janë të sinqertënga robërit e Tu!”(Sureja Sad,82-83)


La Tahzen/Mos u hidhëro


Vepra e sinqertë të mjafton, edhe nëse është e pakët.Kemi fjalën e Profetit (a.s): „Punome sinqeritet!Nëse vepron kështu, të mjafton edhe puna e pakët“. (Ihja-Ulumi`din,IV,676)


La Tahzen/Mos u hidhëro


Edhe nëse hidhërohesh, hidhërohu për Allahun.Mos e ndrysho qëndrimin tënd, as kur të jesh mirë dhe as
kur të jesh keq.Gëzohu dhe hidhërohu vetëm për Allahun.